മുൻഗണന ആർക്ക്?

ആംബുലൻസിനെന്താ കൊമ്പുണ്ടോ? ഉണ്ട്, ജീവനും കയ്യിൽ പിടിച്ചു പായുന്ന സഹജീവിസ്നേഹത്തിന്റെ കൊമ്പ്

- ദിലീപ് കുമാർ കെ.ജി. മോട്ടർ വെഹിക്കിൾസ് ഇൻസ്പെക്ടർ

കഴിഞ്ഞ ലക്കത്തിൽ റോഡിലെ മുൻഗണനകളെക്കുറിച്ചുള്ള ചോദ്യം ഉണ്ടായിരുന്നു. കൃത്യമായ ഉത്തരം അറിയുന്നവർ അനുമോദനം അർഹിക്കുന്നു. ചിലർക്കെങ്കിലും ആശയക്കുഴപ്പമുണ്ടായിട്ടുണ്ടെങ്കിൽ അതിനു കാരണം മാറിയ റോഡ് ചട്ടങ്ങളെക്കുറിച്ചുള്ള അവബോധം ഇല്ലായ്മയാണ്. സമീപകാലത്ത് പൊലീ സിന്റെ അകമ്പടി വാഹനവും ആംബുലൻസും കൂട്ടിയിടിച്ച് അപകടം ഉണ്ടായപ്പോഴും ഇത്തരത്തിലുള്ള ആശയക്കുഴപ്പം ഉണ്ടായിരുന്നു.

മുൻപുണ്ടായിരുന്ന റൂൾസ് ഓഫ് റോഡ് റെഗുലേഷനിൽ ഒരു ഡ്രൈവർ ആംബുലൻസിനും ഫയർ എൻജിനും വഴി ഒഴിഞ്ഞു കൊടുക്കണം എന്നുള്ള ഒറ്റ വാചകമാണ് ഉണ്ടായിരുന്നത്. എന്നാൽ 2017ൽ പ്രാബല്യത്തിൽ വന്ന മോട്ടർ വെഹിക്കിൾസ് ഡ്രൈവിങ് റെഗുലേഷനിൽ, റോഡിൽ മുൻഗണന അർഹിക്കുന്ന വാഹനങ്ങളെ നാലായി തരംതിരിക്കുകയും അതിൽ തന്നെ ആർക്കാണ് കൂടുതൽ മുൻഗണന എന്നു വ്യക്തമാക്കുകയും ചെയ്തിട്ടുണ്ട്.

മോട്ടർ വെഹിക്കിൾ (ഡവിങ്) റഗുലേഷൻസ് - 2017- റഗുലേഷൻ 9(2) -ൽ സിഗ്നൽ മൂലമോ ട്രാഫിക് പൊലീസിനാൽ നിയന്ത്രിക്കപ്പെടാത്ത റോഡ് ഇന്റർസെഷനുകളിൽ പ്രവേശിക്കുമ്പോൾ വലതു വശത്തുനിന്നു വരുന്ന വാഹനങ്ങൾക്കാണ് മുൻഗണന (Right of way) എന്നു പറയുന്നു. എന്നാൽ റൗണ്ട് എബൗട്ടിലേക്കോ ഇടറോഡിൽ നിന്നു മെയിൻ റോഡിലേക്കു പ്രവേശിക്കുമ്പോഴോ ആ റോഡിൽ നിലവിലുള്ള വാഹനങ്ങൾക്കാണ് മുൻഗണന (അതായത് ഇരുവശത്തുനിന്നും വരുന്ന വാഹനങ്ങളെയും കടത്തിവിട്ടതിനു ശേഷമേ പ്രവേശിക്കാവൂ).

എന്നാൽ കഴിഞ്ഞ ലക്കത്തിലെ ചിത്രത്തിൽ കാണിച്ചതുപ്രകാരം, റോഡിൽ മുൻ ഗണന അർഹിക്കുന്ന വാഹനങ്ങൾ ഉണ്ട് എന്നുള്ളതാണ് കുഴക്കുന്നത്.

വാഹനങ്ങളുടെ മുൻഗണനാക്രമം

ഡ്രൈവിങ് റെഗുലേഷൻ - 2017ൽ റെഗുലേഷൻ 27ൽ നാലു തരം വാഹനങ്ങൾക്ക്, അടിയന്തര സാഹചര്യങ്ങൾ (Emergency duty) മുൻനിർത്തി റോഡിൽ മുൻഗണന നിശ്ചയിച്ചിരിക്കുന്നു. മാത്രവുമല്ല ചട്ടം 27 (4)ൽ അതിൽത്തന്നെ മുൻഗണനാക്രമവും നിശ്ചയിച്ചിരിക്കുന്നു.

മുൻഗണന അർഹിക്കുന്ന വാഹനങ്ങളും അതിൽത്തന്നെ കൂടുതൽ മുൻഗണനയും താഴെ പറയുന്ന ക്രമം അനുസരിച്ചാണ്.

1. ഫയർ എൻജിൻ