നിസ്സാൻ ഗ്രാവൈറ്റ്

ഇന്ത്യൻ വിപണിയിലെ നിസ്സാന്റെ ആദ്യ എംപിവി

- 

5.65 ലക്ഷം രൂപയെന്ന മോഹവിലയിൽ എംപിവി ഗോവൈറ്റ് പുറത്തിറക്കി നിസ്സാൻ. ആദ്യ 5,000 യൂണിറ്റുകൾക്ക് മാത്രമായിരിക്കും ഈ വിലയുടെ ആനുകൂല്യം ലഭിക്കുക. സിഎംഎഫ്-എ പ്ലാറ്റ്ഫോം അടക്കം റെനോ ടൈബറിന്റെ പല സവിശേഷതകളും ചേരുന്ന മോഡലാണ് നിസ്സാൻ ഗോവൈറ്റ്. ഇന്ത്യൻ വിപണിയിൽ ലഭ്യമായ നാലു മീറ്ററിൽ താഴെ വലുപ്പമുള്ള രണ്ട് എംപിവികളിൽ ഒന്നായ ഗോവൈറ്റിന്റെ ബുക്കിങ് നിസ്സാൻ ആരംഭിച്ചിട്ടുണ്ട്.

അടിസ്ഥാന മോഡലായ വിസിക്കാണ് 5.65 ലക്ഷം രൂപ വില. പെട്രോൾ മാന്വൽ ട്രാൻസ്മിഷനിൽ അസെന്റ (6.59 ലക്ഷം), എൻ കണക്റ്റ് (7.20 ലക്ഷം), ടെക്ന (7.91 ലക്ഷം), ലോഞ്ച് എഡിഷൻ (8.35 ലക്ഷം) എന്നീ മോഡലുകളും പെട്രോൾ എഎംടി യിൽ എൻ കണക്ട് (7.80 ലക്ഷം), ടെക്ന (8.49 ലക്ഷം), ലോഞ്ച് എഡിഷൻ (8.93 ലക്ഷം) എന്നീ മോഡലുകളും എത്തുന്നു.