ടൊയോട്ട ഇബെല്ല

543 കിമീ റേഞ്ചുമായി ടൊയോട്ടയുടെ ഇലക്ട്രിക് എസ് യു വി

- ജീവൻ കുമാർ

പെട്രോൾ എൻജിനും ഇലക്ട്രിക് മോട്ടറുമുള്ള ഹൈബ്രിഡ് വാഹനങ്ങളിലൂടെ നേരത്തേ തന്നെ ശ്രദ്ധ നേടിയ ടൊയോട്ട, ഇന്ത്യയിൽ അവതരിപ്പിക്കുന്ന ആദ്യത്തെ പൂർണ ബാറ്ററി ഇലക്ട്രിക് വാഹനമാണ് ഇബെല്ല മാരുതി സുസുക്കിയുടെ ആദ്യ ഇലക്ട്രിക് കാർ ആയ ഇ-വിറ്റാരയുടെ ടൊയോട്ട രൂപമാണിത്. സുസുക്കിയും ടൊയോട്ടയും തമ്മിലുള്ള ആഗോള സഹകരണത്തിൽ പിറന്ന അനേകം മോഡലുകളിലൊന്ന്, ബെല്ല എന്നാൽ ബ്യൂട്ടിഫുൾ. ഇല്ല ഇലക്ട്രിക് ബ്യൂട്ടി

ദ് ലുക്ക്

ഇ വിറ്റാരയെക്കാൾ പ്രീമിയം ലുക്ക് നൽകുന്നതിൽ ടൊയോട്ട എൻജിനീയർമാർ വിജയിച്ചിട്ടുണ്ട്. ഇത്രയും കാലം സുസുക്കി വാഹനങ്ങൾ ടൊയോട്ട ബ്രാൻഡിൽ റീ ബാഡ്ജ് ചെയ്ത് വിൽക്കുമ്പോൾ പ്ലാസ്റ്റിക് അഥവാ ഫൈബർ ഭാഗങ്ങളിൽ അതായത് ഗ്രിൽ, ബംപർ തുടങ്ങിയ ഭാഗങ്ങളിൽ മാത്രമാണ് കാര്യമായ വ്യത്യാസമുണ്ടായിരുന്നത്. ഷീറ്റ് മെറ്റൽ ഭാഗങ്ങളിൽ വ്യത്യാസമുണ്ടാകാറില്ല. എന്നാൽ, ഇബെല്ല ആ രീതിക്കു മാറ്റം വരുത്തിയിരിക്കുന്നു. ബോണറ്റിലെ ഷാർപ് ക്രീസ് ഇ ല്ലയെ വ്യത്യസ്തമാക്കുന്നു. അതും ഹെഡ്ലൈറ്റ് ക്ലസ്റ്ററിന്റെ രൂപവും ചേർന്നൊരുക്കുന്ന "ഹാമർ ഹെഡ് രൂപം ടൊയോട്ടയുടെ ആഗോള പ്രീമിയം കാർ ഡിസൈൻ ഭാഷയാണു പിന്തുടരുന്നത്. ഇന്ത്യയിൽ പുതിയ കാംറിയിൽ ഇതു കാണാം.

ഇ-വിറ്റാരയുടെ മുൻഭാഗം പകുതിയോളം പ്ലാസ്റ്റിക് ക്ലാഡിങ് നൽകി "പരുക്കൻ ലുക്ക്' വരുത്തിയിരിക്കുകയാണെങ്കിൽ ഇബെല്ലയുടേത് "സ്മൈലിങ്' ഭാവമാണ്. ക്ലാഡിങ്ങൊക്കെ മാറ്റി വളരെ ക്ലീൻ, മിനിമലിസ്റ്റിക് ലുക്ക് കൊണ്ടുവന്നു. ഫോഗ് ലാംപും മാറ്റി. വിദേശവിപണികളിലുള്ള ടോയോട്ട ബിസീ4എ ക്സ് (BZ4X) ഇലക്ട്രിക് എസ് യു വി ആണ് ഇബെല്ലയുടെ മുൻഭാഗത്തിനു പ്രചോദനമെന്നും പറയാം.