ഡ്രൈവിങ്ങും സന്തോഷവും

ഡ്രൈവിങ് സന്തോഷകരമായ അനുഭവമാക്കുന്നതിനുള്ള 10 ടിപ്പുകൾ.

- ദിലീപ് കുമാർ.കെ.ജി

ഡ്രൈവിങ് ആസ്വദിക്കുന്ന ഒരാളാണോ നിങ്ങൾ? റോഡ് മുറിച്ചുകടക്കാൻ നിൽക്കുന്നവർക്കും മറ്റു വാഹനങ്ങൾക്കും മുൻഗണന നൽകുന്നതിൽ സന്തോഷം കണ്ടെത്താറുണ്ടോ? നിങ്ങൾക്കു മുൻഗണന ഡ്രൈവറെ നോക്കി നൽകിയ പുഞ്ചിരിക്കാറുണ്ടോ? തടസ്സമുണ്ടാക്കുന്നില്ലെങ്കിലും എതിരെ നിന്ന് മറ്റൊരു വാഹനത്തെ മറികടന്നു വരുന്ന വാഹനത്തെ ഹെഡ്ലൈറ്റിലുടെ പ്രതികരിക്കാറുണ്ടോ...? ഒരു മെലഡിപോലെ, കുളിർകാറ്റുപോലെ ആ വാഹനത്തിലെ മറ്റു യാത്രക്കാർ വാഹനം ഓടുന്നുണ്ട് എന്നുപോലും അറിയാതെ ശാന്തമായി ഒഴുകി നീങ്ങുന്ന ഒന്നാണോ നിങ്ങളുടെ ഡ്രൈവിങ്....

അതോ,

പിറകിലെ വാഹനം ഹോൺ അടിച്ചാൽ അസ്വസ്ഥത തോന്നാറുണ്ടോ? അവരെ കടത്തിവിടുമ്പോൾ ആണോ അതോ വിടാതിരിക്കുമ്പോഴാണോ സന്തോഷം തോന്നുന്നത്?

ഒരു വാഹനം നിങ്ങളെ മറി കടന്നു പോകുമ്പോഴും ട്രാഫിക് സിഗ്നലിൽ കാത്തുകിടക്കുമ്പോൾ വരി തെറ്റിച്ച് കടന്നു പോകുന്നവരെ കാണുമ്പോഴും അസ്വസ്ഥതപ്പെടാറുണ്ടോ? പിറകിൽ വരുന്ന വാഹനം മറികടക്കാൻ ശ്രമിക്കുമ്പോൾ വേഗം കൂട്ടാറുണ്ടോ? സഡൻ വെട്ടിത്തിരിച്ചുമാണോ റോഡിൽ പ്രതികരിക്കുന്നത്? ട്രാഫിക്കിനിടയിലൂടെ കുത്തിക്കയറ്റിയും റോഡിലുള്ള വരെ ചീത്തവിളി എന്തിനും ഏതിനും ബ്രേക്കിട്ടും അസഹ്യതയോടെ ഹോണിലൂടെ പ്രതികരിച്ചും ടെൻഷനടിച്ചുമാണോ പോകുന്നത്? ഡവിങ് റിലാക്സ്ഡ് എന്നതു കലയാണ്. വാഹനം ഓടിക്കുമ്പോൾ ശാന്തവും സന്തോഷകരവുമായ അനുഭവത്തെയും മാനസികാവസ്ഥയെയും സൂചിപ്പിക്കുന്ന ഒന്ന്. ആസ്വാദ്യവും സമ്മർദരഹിതവുമായ ഡ്രൈവിങ് സ്വഭാവസവിശേഷതയാണ്. നിരന്തരവും ബോധപൂർവവുമായ മാനസികാവസ്ഥയിലേക്ക് എത്താനുള്ള ശ്രമം, സഹാനുഭൂതി, സമീപന രീതി തുടങ്ങിയവയെല്ലാം ഇതിൽ ഉൾപ്പെടുന്നു.

ഡ്രൈവിങ് എങ്ങനെ സന്തോഷകരമായ അനുഭവമാക്കാം എന്നതിനെക്കുറിച്ചുള്ള ചില ടിപ്പുകൾ ഇതാ:

ക്ഷമയും സഹാനുഭൂതിയും പരിശീലിക്കുക