സ്വാതന്ത്ര്വവും സന്തോഷവും അടിയറ വയ്ക്കില്ല

 “അവസരങ്ങൾ നഷ്ടപ്പെടുമെന്നോർത്തു സ്വാതന്ത്ര്യം അടിയറ വയ്ക്കില്ല - ജോയ്മാത്യു

- വിജീഷ് ഗോപിനാഥ് 

ഭാര്യയ്ക്കു ശമ്പളം കൊടു ത്തിരുന്ന ആളാണെന്നു കേട്ടിട്ടുണ്ട്. വർഷങ്ങൾ ക്കു മുൻപേ അങ്ങനെ ഒരു ചിന്ത വരാൻ ഉള്ള കാരണം എന്താണ്?
വിൻസി, പാലക്കാട്

വർഷങ്ങൾക്ക് മുൻപേ ആൺ സൗഹൃദങ്ങൾ പെൺ പ്രണയങ്ങൾ തൊഴിലിടങ്ങൾ ദാമ്പത്യം എന്നിവിടെയെല്ലാമുള്ള ബന്ധങ്ങൾ ജനാധിപത്യപരമായിരിക്കണം എന്ന ചിന്തയിൽ നിന്നാകാം ആ തീരുമാനത്തിലേക്ക് എത്തിയത്. ഞാൻ സിനിമയിൽ തിരക്കായപ്പോൾ വീട്, കുട്ടികൾ എന്നീ ഉത്തരവാദിത്തങ്ങൾ ഏറ്റെടുക്കാൻ ഭാര്യ നല്ല ജോലി ഉപേക്ഷിച്ചു. അവൾ കുടുംബത്തിനു വേണ്ടി സമ്പാദിച്ചിരുന്നത് എനിക്കു വേണ്ടി ഉപേക്ഷിച്ചപ്പോൾ, അവളുടെ കൂടി സാമ്പത്തിക ഉത്തരവാദിത്തം ഞാനേറ്റെടുത്തു. അത്രയേയുള്ളൂ.

ജോയ് മാത്യു എന്ന തിരക്കഥാകൃത്തിനെയും സംവിധായകനെയും ജോയ് മാത്യു എന്ന നടൻ മടിയനാക്കുന്നുണ്ടോ?
ബിബിൻ ജോസ് പോൾ, ഡിജിറ്റൽ റിസർച്ച് അസിസ്റ്റന്റ്, കോട്ടയം