அமெரிக்கா-ஈரான் தாக்குதல்கள் தற்காலிக நிறுத்தம்

அடுத்தகட்ட பேச்சு குறித்து இருதரப்பும் முரண்பட்ட தகவல்

- 

ஹோர்முஸ் நீரிணைப் பகுதியில் கடந்த சில நாள்களாக அமெரிக்கா-ஈரான் இடையே நீடித்து வந்த பரஸ்பர தாக்குதல்கள் திங்கள்கிழமை தற்காலிகமாக நிறுத்தப்பட்டன.

எனினும், இரு நாடுகளுக்கும் இடையேயான அடுத்தகட்ட அமைதிப் பேச்சுவார்த்தை குறித்து இருதரப்பிலும் முரண்பட்ட தகவல்கள் வெளியாகி வருவதால் புதிய குழப்பம் ஏற்பட்டுள்ளது.

ஈரான் தரப்பில் பேச்சுவார்த்தைக்கான கோரிக்கை விடுக்கப்பட்டதாகவும், அதன்படி கத்தாரின் தோஹா நகரில் செவ்வாய்க்கிழமை (ஜூன் 30) ஈரானுடன் பேச்சுவார்த்தை நடைபெறும் என்றும் அமெரிக்க அதிபர் டொனால்ட் டிரம்ப் சமூக ஊடகப் பதிவில் தெரிவித்தார்.

இப் பேச்சுவார்த்தையில் பங்கேற்பதற்காக அமெரிக்கக் குழுவினர் கத்தார் தலைநகர் தோஹாவுக்குப் புறப்பட்டுச் சென்றனர்.