சிறிய மருத்துவ மையங்களுக்கான மேலாண்மை மென்பொருள்

சிறிய மருத்துவ மையங்களுக்கான குறைந்த விலையிலான 'இ-சுஷ்ருத் கிளினிக்' என்ற இலகுரக மருத்துவமனை மேலாண்மை தகவல் அமைப்பு (ஹெச்எம்ஐஎஸ்) மென்பொருளை மத்திய அரசு திங்கள்கிழமை அறிமுகப்படுத்தியது.

- 

தில்லியில் நடைபெற்ற நிகழ்ச்சியில் மத்திய சுகாதாரத் துறை அமைச்சர் ஜெ.பி. நட்டா இந்த மென்பொருளை அறிமுகப்படுத்தினார்.

தற்போது பயன்பாட்டில் உள்ள பெரிய மருத்துவமனைகள் பயன்படுத்தி வரும் மருத்துவமனை மேலாண்மை மென்பொருள்கள், அதிக விலை மற்றும் சிக்கலான நடைமுறைகளைக் கொண்டவை என்பதால், அதை வாங்க இயலாத சிறிய மருத்துவ மையங்கள் பயனடையும் நோக்கில் 'கிளவுட்' மென்பொருள் தொழில்நுட்பத்தின் அடிப்படையிலான இந்த மென்பொருளை மத்திய அரசு அறிமுகம் செய்துள்ளது. தில்லியில் உள்ள மேம்பட்ட கணினி பயன்பாடு மேம்படுத்துதலுக்கான மையம் (சி-டாக்) இதை வடிவமைத்துள்ளது.

நோயாளிகள் வருகைப் பதிவு, கட்டண ரசீது தயாரிப்பு, மேலாண்மை தகவல் அமைப்பு அறிக்கையிடல், பேச்சை உரையாக மாற்றி ஆவணப்படுத்துதல், சிகிச்சை தொடர்பாக முடிவெடுப்பதற்கான ஆதரவு உள்ளிட்ட வழக்கமான மருத்துவமனை செயல்பாடுகளை தானியங்கிமயமாக்கும் வகையில் இந்த ஹெச்எம்ஐஎஸ் அமைப்பு வடிவமைக்கப்பட்டுள்ளது.

இதுகுறித்து மத்திய சுகாதார அமைச்சகம் வெளியிட்ட செய்திக் குறிப்பில், 'இந்த ஹெச்எம்ஐஎஸ் தளம் பயன்படுத்த எளிதாக இருக்கும் வகையில் வடிவமைக்கப்பட்டுள்ளது.