ബോധവാനാകാം, ഉപബോധ മനസ്സിനെക്കുറിച്ച്

മനുഷ്യന്റെ ജീവിതത്തെ രൂപപ്പെടുത്തുന്നതിൽ ശക്തമായ പങ്കുവഹിക്കുന്ന ഘടകമാണ് ഉപബോധ മനസ്സ്. അറിയാം, ഉപബോധ മനസ്സിനെക്കുറിച്ചും അതിന്റെ പ്രവർത്തനവും

- ഡോ. ഉമർ ഫാറൂഖ് എസ്.എൽ.പി Psychologist And Psychotherapist Madhavrao Scindia Hospital, Kannur Former Member Child Welfare Committee Kannur

നമ്മുടെ മനസ്സിനെ കടലിലെ മഞ്ഞുമല പോലെ സങ്കല്പിക്കുകയാണെങ്കിൽ ജലത്തിന് മുകളിൽ ദൃശ്യമാവുന്ന ചെറിയ ഭാഗം മാത്രമാണ് ബോധമനസ്സ്, ജലത്തിന് താഴെയുള്ള വലിയ ഭാഗം അബോധമനസ്സും ഉപബോധമനസ്സും ചേർന്നതാണ്. ഒരു വ്യക്തിയുടെ ജീവിതപ്രയാണത്തിൽ ഏറ്റവും കൂടുതൽ പങ്കുവഹിക്കുന്ന ത് ഉപബോധ മനസ്സാണെങ്കിലും അതേക്കുറിച്ച് സാധാരണയായി ആരും വേണ്ടത്ര ബോധവാന്മാരല്ല.

ഉപബോധ മനസ്സ് ജീവിതത്തെ രൂപപ്പെടുത്തുന്നതിൽ ശക്തമായ പങ്കുവഹിക്കുന്ന ഘടകമായതിനാൽ അത് മനസ്സിലാക്കുകയും എങ്ങനെയാണ് പ്രവർത്തിക്കുന്നതെന്ന് കണ്ടെത്തുകയും ചെയ്യുന്നതിലൂടെ ഒരു വ്യക്തിക്ക് തന്റെ പരിമിതികളെ മറികടക്കാനും ജീവിതത്തിൽ വിജയം നേടാനും സങ്കൽപത്തിലുള്ള ജീവിതം നയിക്കാനും കഴിയും. മനസ്സിന്റെ ആഴങ്ങളിലേക്കുള്ള ഒരു കവാടമെന്ന നിലയിൽ, ഉപബോധ മനസ്സ് നമ്മുടെ വ്യക്തിത്വത്തെ ശക്തമാക്കാനും അതിന്റെ പരിമിതികളെയും ദൗർബല്യങ്ങളെയും മാറ്റിയെടുക്കാനുമുള്ള വഴികളിലേക്ക് എത്തിച്ചേരാനും സഹായിക്കും.

അതുകൊണ്ടുതന്നെയാണ് മനഃശാസ്ത്രജ്ഞരും ഈ രംഗത്ത് പഠനം നടത്തുന്നവരും ഉപബോധ മനസ്സിന്റെ കഴിവുകളെക്കുറിച്ച് കൂടുതൽ ഗവേഷണങ്ങളിൽ ഏർപ്പെടുന്നതും അവർ കണ്ടെത്തിയ അറിവുകൾ പ്രാധാന്യത്തോടെ സമൂ ഹത്തിന് മുന്നിലേക്ക് എത്തിക്കുന്നതും.

ഉപബോധ മനസ്സിന്റെ പ്രവർത്തനം