സ്വയം തൊഴിൽ എഐ തുറന്നിടുന്നത് അനന്ത സാധ്യതകൾ

ആർട്ടിഫിഷ്യൽ ഇന്റലിജൻസിന്റെ ശക്തിയും ടെക്നിക്കൽ സ്കില്ലുകളും ചേർന്നപ്പോൾ, സാധാരണ ഉപയോക്താവിനും സ്വന്തം കഴിവുകൾ വഴി സ്ഥിര വരുമാനം ഉണ്ടാക്കാനുള്ള അവസരങ്ങൾ അനന്തമായി തുറക്കുകയാണ്...

- സുഹൈർ സിറിയസ് BizTech & AI Trainer

നമ്മുടെ കൈയിലെ ചെറിയ മൊബൈൽ ഫോൺ പുതിയ ലോകത്തേക്കുള്ള വാതിലാണ്. ആർട്ടിഫിഷ്യൽ ഇന്റലിജൻസിന്റെ ശക്തിയും ടെക്നിക്കൽ സ്കില്ലുകളും ചേർന്നപ്പോൾ, സാധാരണ ഉപയോക്താവിനും സ്വന്തം കഴിവുകൾ വഴി സ്ഥിര വരുമാനം ഉണ്ടാക്കാനുള്ള അവസരങ്ങൾ അനന്തമായി തുറക്കുകയാണ്.

എ.ഐ കുടുംബജീവിതത്തിൽ

Cozi അല്ലെങ്കിൽ Google Family Link പോലുള്ള ആപ്പുകൾ കുട്ടികളുടെ ഷെഡ്യൂളുകൾ, ഹോംവർക്ക് റിമൈൻഡറുകൾ എന്നിവ തയാറാക്കുന്നു. കുടുംബാംഗങ്ങളുടെ ഷോപ്പിങ് ലിസ്റ്റുകളും തയാറാക്കുന്നു. "ഇന്നത്തെ മീൽസ് പ്ലാൻ' ചോദിച്ചാൽ, കുട്ടികളുടെ ഇഷ്ടങ്ങളും ആരോഗ്യപരിഗണനകളും കണക്കിലെടുത്ത് എ.ഐ റെസിപ്പികൾ നിർദേശിക്കുന്നു.

കുട്ടികളുടെ വിദ്യാഭ്യാസത്തിലും എ.ഐയുടെ സാധ്യതകൾ അപാരമാണ്. രക്ഷിതാക്കൾക്ക് ഓൺലൈൻ പ്ലാറ്റ്ഫോമുകളിലൂടെ പേഴ്സന ലൈസ്ഡ് ലേണിങ് ടൂളുകൾ ലഭ്യമാണ്.

വെർച്വൽ സ്റ്റോറി ടെല്ലിങ് ആപ്പുകൾ വഴി രാത്രി കഥകൾ പറയുന്നത് പുതിയ ലെവലിലേക്ക് എത്തുന്നു. Net Nanny അല്ലെങ്കിൽ Qustodio പോലുള്ള എ.ഐ ടൂളുകൾ സോഷ്യൽ മീഡിയ ഇന്ററാക്ഷനുകൾ മോണിറ്റർ ചെയ്ത് അപകടകരമായ കണ്ടന്റ് ബ്ലോക്ക് ചെയ്യുന്നു.

വീട്ടുജോലി

പാചക റെസിപ്പികൾ ഓട്ടോമേറ്റ് ചെയ്യാനോ വീട്ടുബജറ്റ് മാനേജ് ചെയ്യാനോ കുട്ടികളു ടെ പഠനസഹായം ഒരുക്കാനോ ചാറ്റ് ജി.പി.ടി, ഗൂഗ്ൾ ജെമിനി പോലുള്ള ടൂളുകൾ സഹായിക്കുന്നു. അതിൽ നിന്നാണ് വരുമാനത്തിന്റെ പുതിയ ലോകം തുടങ്ങുന്നത്. കണ്ടന്റ് ക്രിയേഷൻ, ഓൺലൈൻ ട്യൂഷൻ, വിഡിയോ എഡിറ്റിങ്, ഡിജിറ്റൽ മാർക്കറ്റിങ് തുടങ്ങിയ മാർഗങ്ങൾ അതിന് ഉദാഹരണമാണ്.

Canva, CapCut, Illustrator, ChatGPT, Descript തുടങ്ങിയ സൗജന്യമായതോ കുറഞ്ഞ ചെലവിലുള്ളതോ ആയ ടൂളുകൾ ഉപയോഗിച്ച് വീട്ടിലിരുന്ന് ജോലിചെയ്യാം. യൂട്യൂബ് ചാനൽ ആരംഭിക്കുക, സോഷ്യൽ മീഡിയ മാനേജ്മെന്റ് Fiverr, Upwork തുടങ്ങിയ ഫ്രീലാൻസിങ് പ്ലാറ്റ്ഫോമുകളിൽ സേവനം നൽകുക, എ.ഐ ഉപയോഗിച്ച് പോസ്റ്റർ ഡിസൈൻ, വിഡിയോ ട്രാൻസ്ക്രിപ്റ്റ്, പ്രമോഷൻ തുടങ്ങിയവയെല്ലാം ഇന്ന് സാധ്യമാണ്.

aixploria വെബ്സൈറ്റ് വഴി ഏത് തരത്തിലുള്ള എ.ഐ ടൂളുകളും നമുക്ക് കണ്ടെത്താനാവും, അല്ലെങ്കിൽ എ.ഐയോടു തന്നെ ചോദിക്കാനും പറ്റും. അതേസമയം, മനസ്സിലാക്കിയ ഒരു ടൂൾ അതിന്റെ സാധ്യതകൾ എക്സ്പ്ലോർ ചെയ്ത് പരിശീലിക്കണം. എല്ലാം സൗജന്യമായി കിട്ടിയാലേ ഉപയോഗിക്കൂ എന്ന ധാരണയും തിരുത്തണം.

കണ്ടന്റ് ക്രിയേഷൻ