കൊതിയൂറും വിഭവങ്ങൾ

സോസേജ് പെപ്പർ ഫ്രൈ

- സുരേഷ് പിള്ള

ചേരുവകൾ

സോസേജ് അര കിലോ, വെളിച്ചെണ്ണ 7 ടേബിൾ സ്പൂൺ, സവാള അരിഞ്ഞത് കാൽ കിലോ, ഇഞ്ചി ചെറിയ കഷ ണം, വെളുത്തുള്ളി 4 അല്ലി, പച്ചമുളക് 2 എണ്ണം, കറിവേപ്പില 2 തണ്ട്, തക്കാളി അരിഞ്ഞത് ഒരെണ്ണം വലുത്, മഞ്ഞൾ പൊടി ഒരു ടീസ്പൂൺ, കുരുമുളകുപൊടി 2 ടേബിൾ സ്പൂൺ, മല്ലിപ്പൊടി ഒരു ടീസ്പൂൺ, ഉപ്പ് ആവശ്യത്തിന്, ചെറുനാര ങ്ങ 2 എണ്ണം, മല്ലിയില 20 ഗ്രാം.

തയാറാക്കുന്ന വിധം

വട്ടത്തിൽ അരിഞ്ഞെടുത്ത സോസേജ് ചൂടാക്കിയ വെള്ളത്തിൽ വേവിക്കുക. പാനിൽ വെളിച്ചെണ്ണ ഒഴിച്ച് സവാള വഴറ്റി ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് വീണ്ടും വഴറ്റുക. ശേഷം അരിഞ്ഞ തക്കാളി ഇട്ട് യോജിപ്പിച്ച് മഞ്ഞൾപൊടിയും മല്ലിപ്പൊടിയും കുരുമുളകുപൊടിയും ചേർത്തിളക്കുക. അതു കഴിഞ്ഞ് സോസേജ് ചേർത്ത് നന്നായി ഇളക്കി ഉപ്പും നാരങ്ങാനീരും ചേർത്ത് നല്ലതുപോലെ വരട്ടി മല്ലിയിലയും ഇട്ട് വാങ്ങിവയ്ക്കാം.