இசையால் உலகை மயக்கிய எம்.எஸ்.சுப்புலட்சுமி!

செந்தமிழ் நாட்டில் பிறந்து தன் இசை ஞானத்தால் அகிலத்தையே ஈர்த்தவர் எம்.எஸ்.சுப்புலட்சுமி. ஐக்கிய நாடுகள் சபையில் அரங்கேற்றம் செய்து அசத்தினார்.

- திருக்குறள் தாமோதரன்

பள்ளிக்கூட படிப்பை பாதியில் நிறுத்திய இவரால் எப்படி உலக புகழ் அடைய முடிந்தது என்பதை இவருடைய வாழ்க்கை வரலாறு சொல்லும்.! சங்கத் தமிழ்ச் சங்கம் தோன்றிய தொன்மை மிக்க மதுரையில் 1916 ஆம் ஆண்டு செப்டம்பர் மாதம் 16 ஆம் தேதி பிறந்தார் மதுரை சண்முகவடிவு சுப்புலட்சுமி. பெற்றோர் சுப்பிரமணிய ஐயர் - சண்முக வடிவு.