தமிழ் இலக்கிய உலகில் தனித்துவமான எழுத்தாளர் நகுலன்!

தமிழ் இலக்கியப் பெருங்கடலில் நீந்தி இன்பம் தோய்க்க விரும்புவோர் அவசியம் அறிந்து கொள்ள வேண்டிய எழுத்தாளர் நகுலன்.

- பவானி

மிகவும் வித்தியாசமான பாதையில் தடம் பதித்து, தமிழுக்கு தொண்டாற்றி விட்டுச் சென்றுள்ள இந்த அறிவுஜீவியின் படைப்புகள், வாசகர்களை புதிய உலகிற்கு இட்டுச் செல்லும் ஆற்றல் கொண்டவை.

கும்பகோணத்தில் 1921-ஆம் ஆண்டு ஆகஸ்டு 21-ஆம் தேதி டி.கே.துரை சாமி என்ற இயற்பெயர் கொண்ட நகுலன் பிறந்தார்.

தன் 14 வயதில் திருவனந்தபுரத்திற்கு குடிபெயர்ந்தார். தன்னுடைய முழு கவனத்தையும் படிப்பில் செலுத்தி தமிழிலும் ஆங்கிலத்திலும் எம். ஏ., பட்டம் பெற்றார். திருவனந்தபுரம், இவானியர் கல்லூரியில் ஆங்கிலப் பேராசிரியராகப் பணியாற்றும் வாய்ப்பு கிடைத்தது.

தமிழின் சுவையை உணர்ந்தவர் அதை விடுவரோ? கல்லூரியில் ஆங்கில ஆசிரியராக இருந்த போதிலும், நேரம் கிடைத்த போதெல்லாம் சங்க இலக்கியங்களை ஆழ்ந்து பயின்றார். கூடவே, ஜேம்ஸ் ஜாய்சி, டி.எஸ்.எலியட், சாமுவேல் பேக்கட் போன்ற ஆங்கில அறிஞர்களின் படைப்புகளையும் உள்வாங்கினார்.

இவற்றின் விளைவாக அவருள் எழுந்த புதிய சிந்தனைகளை தமிழ் வாசகர்களுக்கு வழங்கினார்.