ગિફ્ટ સિટીએ આપી બે ગિફ્ટ

ઉચ્ચ અભ્યાસ માટે વિદેશ ન જઈ શકનારા વિદ્યાર્થીઓ હવે ગિફ્ટ સિટીના માધ્યમથી એ સપનું સાકાર કરી શકશે. એ જ રીતે, અહીંથી બીજા દેશોમાં વિવિધ ઉપયોગ માટે નાણાં મોકલવાનો પ્લાન કરનારી વ્યક્તિનું કામ પણ અહીં થઈ જશે.

- જયેશ ચિતલિયા

ગુજરાતના ગાંધીનગરમાં આવેલા ગિફ્ટ સિટી (GIFT City)માં હમણાં બે મહત્ત્વની ઘટના આકાર પામી છે. એક, ઝડપથી વિકસી રહેલી ગિફ્ટ સિટીમાં એક ઑસ્ટ્રેલિયન યુનિવર્સિટી કાર્યરત થઈ છે અને બીજી ઘટના છે, હવે ભારતીયો લિબરલાઈઝ્ડ રેમિટન્સ સ્કીમ (LRS-એલઆરએસ) હેઠળ ગિફ્ટ સિટીમાં ફોરેન કરન્સીમાં એકાઉન્ટ ખોલાવી શકે છે અને એ મારફત વિદેશોમાં વિવિધ સાધનો-એસેટ્સમાં રોકાણ કરી શકે છે. આ સાથે ગિફ્ટ સિટી અન્ય ગ્લોબલ ફાઈનાન્સિયલ સેન્ટર સમકક્ષ બનવા તરફ આગળ વધી રહી છે. આ બન્ને ઘટનાને સરળ શબ્દોમાં સમજવાનો પ્રયાસ કરીએ...

ગિફ્ટ સિટીમાં ફોરેન કરન્સી એકાઉન્ટ

સૌપ્રથમ આપણે ભારતીય નિવાસી વ્યક્તિ કઈ રીતે ગિફ્ટ સિટીમાં પોતાનું એકાઉન્ટ ખોલી શકે એ વિશે વાત કરીએ. રિઝર્વ બૅન્કે બહાર પાડેલા નવા સર્ક્યુલર અનુસાર, હવે ભારતીય નાગરિક ઈન્ટરનૅશનલ ફાઈનાન્સિયલ સર્વિસ સેન્ટર (આઈએફએસસી), ગિફ્ટ સિટી ખાતેની બૅન્કમાં પોતાનું ફોરેન કરન્સી એકાઉન્ટ ખોલાવ્યા બાદ એ રકમમાંથી વિદેશોમાં ઈન્સ્યોરન્સ ખરીદી શકે છે, શિક્ષણ માટેની લોનનું રિપેમેન્ટ કરી શકે છે, ફિક્સ્ડ ડિપોઝિટમાં નાણાં મૂકી શકે, વિદેશોમાં પ્રવાસ માટે નાણાં ફાળવી શકે અને વિદેશ રહેતા મિત્રને ગિફ્ટ પણ આપી શકે છે. આમ રિઝર્વ બૅન્કે ખરા અર્થમાં રેમિટન્સ સ્કીમને વધુ ઉદાર બનાવી છે. આગામી સમયમાં આ યોજનાનો વ્યાપ હજી વધારવામાં આવશે એવી આશા રાખી શકાય.

'ગિફ્ટ' સિટીમાં 'ડિકેન’નું કૅમ્પસ.