ચોમાસામાં બોલબાલા વાતાવરણની ગુટલીઓનો વરતારો આપતી ઍપ્સની

કાનને ખુલ્લા રાખે એવા બોન કન્ડક્શન હેડફોન વસાવવાનું હવે ખાસ મોંઘું રહ્યું નથી.

- પુનીત આચાર્ય સોમપુરા

ડિજિટલ દુનિયાના વાચકમિત્રોએ પૂછેલા અને અમે ચૂંટેલા કેટલાક પ્રશ્નોના ઉત્તર આ સાથે પ્રસ્તુત છે...

પ્રશ્નઃ ચોમાસામાં વાતાવરણના વરતારા માટે આપણા દેશ માટે કઈ અપ્સ વધુ ચોક્કસ ગણાય છે?

ઉત્તરઃ ગ્લોબલ વૉર્મિંગની આત્યંતિક અસરો નીચે આજકાલ વાતાવરણ અચાનક જ પલટો મારે છે. એનાથી પ્રજાને હાડમારી, આર્થિક નુકસાન અને જાનહાનિ સુદ્ધાં સહન કરવી પડે છે. હવે ચોમાસું શરૂ થઈ ચૂક્યું હોવાથી આ જોખમ વળી પાછું ઊભું થાય એવી પૂરી શક્યતા છે. આવા સંજોગોમાં તમારા આખા ફૅમિલીએ પોતપોતાના સ્માર્ટ ફોનમાં weather કૅટેગરીની યોગ્ય ઍપ્લિકેશન ઈન્સ્ટૉલ કરી લેવી જરૂરી છે.

વેધરની માહિતી આપતી ઍપના ઉપયોગથી આવનારાં જોખમની જાણકારી મેળવો.

આપણા દેશમાં અધિકૃત રીતે સરકારી ખાતા દ્વારા ચલાવાતી કોઈ ઍપ હોય તો એ Mausam નામની ઍપ છે. Weather India નામની ખાનગી કંપની દ્વારા ચલાવાતી ઍપ પણ ઘણી જાણીતી છે. મોટા ભાગના ઍન્ડ્રોઈડ ફોનમાં વાતાવરણને લગતી કોઈ પણ એક ઍપ તો ઈન-બિલ્ટ હોય જ છે. આમાંથી જે પણ ઍપ તમને સરળ લાગે એ તમે વાપરી શકો છો

આવી ઍપ્લિકેશન તમારે નિયમિત ચેક કરીને એને સમજવા પાછળ થોડો સમય ફાળવવો જરૂરી છે. જો કે practice makes man perfect. તો વિના વિલંબે આજથી જ એવી કોઈ ઍપ વાપરવાનું શરૂ કરો.