બી પોઝિટિવ-બટ નોટ ઓલ્વેઝ!

નકારાત્મક લાગણી અનુભવવી કોઈને ગમતી નથી, પણ ખરેખર તો આ લાગણી તંદુરસ્ત જીવન માટે જરૂરી છે.

- ડૉ. અપર્ણા દેશમુખ

સકારાત્મક લાગણી શું છે? સકારાત્મક લાગણી એવી લાગણી છે જેનો અનુભવ આપણને સામાન્ય રીતે આનંદદાયક લાગે છે. સકારાત્મક લાગણી એ આપણા પર્યાવરણ અથવા આપણા પોતાના આંતરિક સંવાદ માટે સુખદ એવા પ્રતિભાવ છે. કેટલીક સામાન્ય સકારાત્મક લાગણીમાં સામેલ છે: આનંદ, પ્રેમ, સંતોષ, સુખ, નિર્મળતા, વિસ્મય, વગેરે.

નકારાત્મક લાગણી શું છે?

નકારાત્મક લાગણી એવી લાગણી છે જેનો અનુભવ આપણને સામાન્ય રીતે આનંદદાયક લાગતો નથી. આ પ્રકારની લાગણીને એક અપ્રિય અથવા નાખુશ લાગણી તરીકે ઓળખાવી શકાય છે, જે સરેરાશ માણસમાં કોઈ ઘટના અથવા અન્ય કોઈ વ્યક્તિ પ્રત્યે નકારાત્મક ભાવના વ્યક્ત કરવા માટે ઉદ્ભવે છે. કોઈ પ્રકારની લાગણી તમને નિરાશ કરે કે મનમાં ઉદ્વેગ ભરી દે તો એ છે નકારાત્મક લાગણી. કેટલીક સામાન્ય નકારાત્મક લાગણી છેઃ ગુસ્સો, ભય, અણગમો, ઉદાસી, ઉપર બે કલતા, ચીડ, વગેરે.

આમાંથી તમે કોઈ લાગણી અનુભવવા માગો છો? તમારો જવાબ મોટે ભાગે ના જ હશે અને એ વાજબી પણ છે. આ લાગણી અનુભવવી કોઈને ગમતી નથી, પણ ખરેખર તો નકારાત્મક લાગણી તંદુરસ્ત જીવન માટે જરૂરી છે.

તમને થશે કે એવું કેવી રીતે હોઈ શકે?