ઘર સજા કે દેખો

લાગા જમીં પર દાગ... દૂર કરું કૈસે? ફર્શ (ફ્લોરિંગ) સાફસૂથરી રાખવા આટલી તકેદારી લો અને પછી જુઓ...

- 

આપણું ઘર ગમે એટલી સારી રીતે સજાવેલું હોય અને રંગરોગાન પણ સરખા કરાવ્યા હોય, પરંતુ એ ટિપટોપ કન્ડિશનમાં ન હોય તો? બીજા બધા તો છોડો, આપણને જ એ નહીં ગમે. આખરે તો એ આપણું ઘર છે. આ જ કારણે ઘરની સજાવટ સાથે (આમ તો એ કરતાં પણ વધુ) જરૂરી છે ઘરની સાફસફાઈ.

ઘરની દીવાલ પર, ક્યાંક ખૂણામાં બાવાં-જાળાં જામ્યાં હોય એ દૂર કરી લેવાં ઉચિત છે. એ જ રીતે ફ્લોરિંગ સાફ રહે એ જરૂરી છે. આજકાલ મોટા ભાગનાં ઘરમાં ફર્શ તરીકે સફેદ કે ક્રીમ કલરની ટાઈલ્સ જ જોવા મળે છે. હવે વિચારો કે સરસ-ચળકતી ટાઈલ્સ પર ડાઘા હોય તો સોનાની થાળીમાં લોઢાની મેખ જેવું લાગે ને?

એવું ન લગાડવું હોય તો ફર્શ બરાબર સ્વચ્છ રાખવી પડે. એ માટે જરૂરી છે કે ઘરઆખામાં ઝાડુ-પોંછાં યોગ્ય રીતે થાય. હા, વાંચીને કદાચ વિચિત્ર લાગે, પણ ઘર ઘર જેવું લાગે એ માટે આવી નાની-નાની વાત પણ ધ્યાનમાં રાખવી પડે. જો કે ક્યારેક આપણે આ જ વાતની ઉપેક્ષા કરતાં હોઈએ છીએ. પછી એનું પરિણામ શું આવે?