ધાર્મિક સ્થળે આવો કચરો તો ન કરો...

વાતાવરણ શુદ્ધ કરતી ધાર્મિક વિધિઓ પણ પ્રદૂષણનું કારણ બને એ કેવું? અને પવિત્ર યાત્રાધામો કેમ ઘણુંખરું ગંદકીથી ઊભરાતાં હોય છે?

- કૌશિક મહેતા

ડિયર નૅચર,

હિમાલયથી પણ જે જૂનો છે એ ગઢ ગિરનારને ફરતે પરિકમ્માનું ધાર્મિક મહત્ત્વ છે. ચોમાસું પૂરું થતાં જ આ પરિકમ્મા શરૂ થાય છે, પણ હવે તો નિશ્ચિત દિવસ પહેલાં આ યાત્રા શરૂ થઈ જાય છે અને આગલી રાતે લોકો આવી જાય છે. એમ તો આગલી રાતે જ કેટલીક સામાજિક સંસ્થાઓના કાર્યકરો પણ આવી જાય છે. એ કાર્યકરો પરિક્રમા શરૂ થાય ત્યાં જ ઊભા રહે છે અને આવનારા યાત્રિકોને વિનંતી કરે છેઃ ‘તમારી પાસે કોઈ પ્લાસ્ટિકની વસ્તુ, કોથળી કે બૉટલ હોય એ અમને આપી દો... અમે તમને કાપડની થેલી આપીશું...’ કેટલાક યાત્રિકો એમની પાસે રહેલી પ્લાસ્ટિકની વસ્તુ આપી દે છે, કેટલાક નથી આપતા, કેટલાક વળી આ કાર્યકર્તા સામે નાકનું ટીચકું ચઢાવે છે તો કેટલાક...