ઈન્ડિયા કે ભારતઃ નામને નામે આટલો કોલાહલ કેમ?

ભાજપના વિરોધમાં એકત્ર આવેલા ૨૬ જેટલા પક્ષોએ એમના જૂથને ઈન્ડિયન નૅશનલ ડેવલપમેન્ટલ ઈન્ફ્લુઝિવ એલાયન્સ (INDIA) એવું નામ આપ્યું એનાથી ડરીને મોદી સરકારે રાતોરાત દેશનું નામ જ સમૂળગું ઈન્ડિયાને બદલે ભારત કરવાનું ઠેરવ્યું એમ માની લેવાને કોઈ કારણ નથી

- 

ગણેશોત્સવની પૂર્વસંધ્યાએ બોલાવવામાં આવેલું સંસદનું વિશેષ સત્ર નજીક આવી રહ્યું છે એમ એની પાછળના તર્ક-વિતર્કની સંખ્યા વધી રહી છે. આખા દેશમાં એકસાથે મતદાન, મહિલાઓ માટે અનામત બેઠકની જોગવાઈ, લોકસભાની વહેલી ચૂંટણી કે બંધારણે આપેલો ખાસ દરજ્જો કાઢી નાખ્યા પછી જમ્મુ-કશ્મીરમાં પહેલી વાર મતદાન માટેનો પ્રસ્તાવ જેવાં અનેક કારણ શક્યતા બનીને કાને પડી રહ્યાં છે ત્યાં વધુ એક મુદ્દો પણ ચર્ચાને ચાકડે ચડ્યો છે.