ઈનબૉક્સમાં ઘૂસી જતા સેંકડો નકામા ઈ-મેઈલને કઈ રીતે અટકાવશો?

લાઈક કરો અને કરોડો કમાવ.. સાઈબર ઠગોની આ લલચામણી ઑફરમાં તમે પણ ક્યાંક ફસાતા નહીં.

- 

સ્પામ મેઈલની સમસ્યાથી મેળવો આ રીતે છુટકારો.

ડિજિટલ દુનિયાના વાચકમિત્રોએ પૂછેલા કેટલાક પ્રશ્નોના જવાબ આ સાથે પ્રસ્તુત છે.

જીમેઈલમાં સતત આવ્યા કરતા વણજોઈતા ઈ–મેઈલ્સને હું કેવી રીતે અટકાવી શકું?

ગૂગલે ફ્રીમાં આપેલી ઈ-મેઈલ સર્વિસ એટલે કે જીમેઈલ. એનું ઈનબૉક્સ તમે જેટલી વાર ખોલીને જોશો એટલી વાર અજાણી કંપનીઓના અનેક ઈ-મેઈલ્સ એમાં ઉમેરાઈ ગયેલા તમને દેખાશે. આ તકલીફ તમારી એકની નથી, આનો ભોગ લગભગ બધા જ બને છે. એકસાથે અનેક (બલ્ક) ઈ-મેઈલ મોકલનારા સ્પામરને કારણે આ પરિસ્થિતિ ઊભી થાય છે. આનાથી બચવા માટેનો એક સરળ ઉપાય છે. આવા અન-વૉન્ટેડ ઈ-મેઈલને સૌપ્રથમ તો ઓપન કરો. હવે તમારા મોબાઈલ સ્ક્રીનના ઉપરના જમણા ભાગે જે ત્રણ ડૉટ દેખાય છે એની પર ક્લિક કરો અને નીચે ખૂલતા મેનુને ધ્યાનથી જુઓ. ત્યાં એક ઓપ્શન છે, Report Spam. બસ, આની પર ક્લિક કરી દો અને પછી જે ડાયલોગ બૉક્સ ખૂલે એમાં ફરી એક વાર Report Spam પર ક્લિક કરો.