શૅરબજારની તેજીમાં કયાં તરકટ વધતાં જાય છે?

શૅર ખરીદવાની ટિપ્સ આપતા કે ભલામણ કરતા એસએમએસથી અંજાઈ ગયા તો ફસાયા સમજો. કારણ જાણવાં હોય તો આટલું સમજી લો..

- જયેશ ચિતલિયા

મોબાઈલ ફોન દ્વારા મફતમાં મળતી સલાહ કેટલી મોંઘી પહશે એ સમજી લેજો.

તમને તમારા મોબાઈલ પર કોઈ સ્ટૉક્સ વિશે એસએમએસ મળે છે કે લાણો-ઢીંકણો શૅર ખરીદો, તમને મોટી કમાણી થશે. આ શૅરના ભાવ વધવાના છે, ભાવ વધવાનાં આ-આ કારણો છે..

આવો મેસેજ જોઈ તમે એ શૅરના ભાવ પર નજર રાખવાનું શરૂ કરો છો. તમને એ શૅરના ભાવ વધતા જોવા પણ મળે છે. રોજેરોજ ખરીદીને કારણે એમાં વૉલ્યૂમ પણ દેખાય છે. એના ભાવ વધવાનાં કારણોની ચર્ચા પણ વિવિધ લોકો પાસેથી યા માધ્યમોથી સાંભળવા મળે છે.. એટલે તમને થાય છે કે આ સ્ટૉક્સશૅર ખરેખર ખરીદવા જોઈએ. તમે એ સ્ટૉક્સ ખરીદવાનું શરૂ કરો છો.

એ પછી પણ તમને ભાવ વધતા દેખાય છે એટલે પેલા એસએમએસ પર તમારો ભરોસો વધે છે. તમને આવા બીજા એસએમએસ પણ મળે છે, જેમાં બીજા સ્ટૉક્સ માટે પણ એવી જ ટિપ હોય છે. ક્યારેક ઈ-મેઈલ કે યુટ્યૂબ વિડિયો રૂપે આવા મેસેજ મળે છે.

કોણ છે આવા મેસેજ મોકલનારા લોકો?