બાળસેવકોનો આવો છે ઠાઠ..

દયતાપતિઃ અમે સેવક જગન્નાથના.

- તનીશા

એક વિસ્મયકારી સમાચાર આવ્યા છે કે પુરીના જગન્નાથ મંદિરમાં ત્રણ નાનાં બાળકોને ભગવાનની સેવકમંડળીમાં વિધિપૂર્વક વાજતે-ગાજતે સામેલ કરવામાં આવ્યાં છે. નવાં સેવક બનેલાં ૧૦ મહિનાના બાલદેબ દસમોહપાત્રા, એક વર્ષના એકાંશુ દસમોહપાત્રા તથા અન્ય એક બાળકને હવે વાર્ષિક એકથી બે લાખ રૂપિયાનો પગાર મળશે. જો કે એમની સેવાનો આરંભ એ ૧૮ વર્ષનાં થશે ત્યારથી જ કરી શકાશે.

અતિ પ્રાચીન પ્રથા મુજબ દયતાપતિ કુળનાં બાળકોને વંશાનુગત રીતે ભગવાનની સેવાનો અધિકાર મળે છે. આ બાળકોને સત્તાવાર રીતે સેવક બનાવવાનું શુભ મુહૂર્ત ભગવાન જગન્નાથજી, એમના વડીલબંધુ બલભદ્રજી અને બહેનબા સુભદ્રાજીની અષાઢી બીજની રથયાત્રાના પંદર દિવસ પહેલાં આવે છે.

એ સમયે બાળક ઓછામાં ઓછું ૨૧ દિવસનું તથા વધુમાં વધુ એક વર્ષનું હોવું જોઈએ.