અરબી સમુદ્રમાં વાવાઝોડાના પ્રમાણમાં આટલો વધારો કેમ?

દરિયાઈ પાણીના તાપમાનની વૃદ્ધિ સમુદ્રી તોફાન માટે અનુકૂળ વાતાવરણ પૂરું પાડે છે અને..

- 

વર્ષ ૨૦૨૧માં હજી તો કોરોના વાઈરસનો ખતરો ટળ્યો નહોતો એવામાં સૌરાષ્ટ્રના કાંઠે અરબ સમુદ્રમાં તાઉ’તે (Tauktae) નામના વાવાઝોડાએ તરખાટ મચાવ્યો હતો. દક્ષિણમાં છેક લક્ષદ્વીપ નજીક ઉદ્ભવેલા આ વાવાઝોડાએ ગુજરાત સુધી પહોંચતાં સુધીમાં વિકરાળ રૂપ ધારણ કર્યું અને એને કારણે થયેલા જાનમાલનું નુકસાન પણ ઘણું વધુ હતું. આશરે ૧૭૦ જણાએ તાઉ’તેને કારણે પોતાનો જીવ ગુમાવ્યો હતો. આર્થિક નુકસાનનો આંકડો તો કરોડોમાં લેખાય એટલો હતો. વર્ષ ૧૯૯૮માં કંડલા બંદર નજીક ત્રાટકેલા વાવાઝોડા (જેમાં ૧૧૦૦ લોકોનો જીવ ગયો હતો એ) પછી ગુજરાતમાં સૌથી ઘાતક વાવાઝોડું તાઉ’તે હતું.

ગયા સપ્તાહે આવેલું બિપરજાય વાવાઝોડું પણ વ્યાપક નુકસાન કસાન વેરી ગયું છે. આ વાવાઝોડું ભારતના પશ્ચિમ કાંઠા તરફ આગળ વધવાનું છે અને ગુજરાતને પણ ધમરોળી શકે છે એવી ચેતવણી નિષ્ણાતોએ આપી હતી, જેને કારણે વહીવટી તંત્રએ અગમચેતીનાં પગલાં ભર્યાં અને હજારો લોકોનું સ્થળાંતર કરી જાનહાનિ થતી અટકાવી. તેમ છતાં બિપરજૉયને કારણે અઢળક માત્રામાં માલમત્તાનું નુકસાન તો વેઠવું જ પડ્યું છે.

અહીં વિચારવા જેવી બાબત એ કે અરબ સાગરમાં પાછલા એક દાયકામાં વાવાઝોડાની માત્રા આટલી વધી કઈ રીતે ગઈ?