એવા કિચન ગાર્ડનમાં ચાલ જઈએ..

ઘરમાં મિની ઉદ્યાન તૈયાર કરતાં પહેલાં ઘણી જાતનાં આયોજન કરવાં પડે, ઝીણવટપૂર્વકનું પ્લાનિંગ કરવું પડે.

- પૂર્વી શાહ

ઘરનો બગીચો એટલે અનેક પ્રકારના પ્લાન્ટ્સનો મહામહોત્સવ.

મિત્રો, સૌથી પહેલાં આપણે એક ચાર્ટ બનાવીશું, જેમાં કયા પ્લાન્ટ લગાડવા અને એમાંથી કેટલું હાર્વેસ્ટ-ઉત્પાદન મળી રહેશે એ જાણી શકીએ. ઘરમાં બાગબાની કરતી વખતે પ્લાન્ટ્સની વિવિધતાનું ધ્યાન રાખવું જરૂરી છે અર્થાત્ કિચન ગાર્ડનમાં બાયો ડાઈવર્સિટી જળવાવી જોઈએ. એ માટે આપણે પ્લાન્ટ્સને વર્ગીકૃત કરીશું.

૧. પેરેનિયલ કે બારમાસી પ્લાન્ટ્સઃ લીમડો, સરગવો, મલ્ટિ-વિટામિન, ઑલ સ્પાઈસ, તેજ પત્તાં, વગેરે.

૨. મેડિસિનલ પ્લાન્ટ્સઃ

લીંડી પિપર, પથ્થરચટ્ટા, અરડૂસી, તુલસી, ગિલોય, ઈન્સ્યુલીન, ડમરુ, અક્કલકરા, અજમો, કુંવારપાઠું, ભૂમિ આમળાં, પુનર્નવા, બ્રાહ્મી, શંખપુષ્પી, નાગરવેલ, વગેરે.

૩. હર્બ્સઃ ઓરેગાનો, બેસિલ, લીલી ચા, પેપરમીંટ, સેઈજ, ફુદીનો, લેમન બામ, માર્જોરમ, વગેરે.

૪. ફૂલઃ ગુલાબ, મોગરો, જૂઈ, ચમેલી, જાસૂદ, મધુમાલતી, રાતરાણી, ગલગોટો, ચંપા, લીલી, વગેરે.