વિરલ ગાથા જીવનપરિવર્તનની..

પેરિસની અંધારી ગલીઓમાં સ્ટ્રીટ ફાઈટિંગ, લૂંટફાટ જેનું જીવન હતું એ ગુજરાતી યુવાનનું પ્રમુખસ્વામી દ્વારા થયેલું આમૂલ પરિવર્તન સુખદ આંચકો આપી જાય છે.

- કેતન મિસ્ત્રી (અમદાવાદ)

અમિત ભાવસારનો જન્મ ૧૯૮૨માં અ પેરિસના બદનામ ગણાતા બન્યુલીમાં લનૂ વિસ્તારમાં. બાળપણથી જ એને આફ્રિકન, સોમાલી, મોરોક્કન અલ્જિરિયન યુવાનોનો સહવાસ. ભણવાનું ઓછું ને રખડવાનું વધારે. કિશોરાવસ્થાથી કુસંગે ચડી ગયેલા અમિતને મારામારી, હિંસા, દારૂ, માંસાહારમાં મજા આવેઃ ટોળી સાથે સ્ત્રીની પર્સ આંચકી લેવી, ઘરફોડી, ગાડીની ચોરી, ગાંજા-ચરસ ફૂંકવા તથા એની લે-વેચ જેવી ગુનાખોરીમાં એ રત..

અત્યારે અમદાવાદમાં ચાલી રહેલા પ્રમુખસ્વામી શતાબ્દી મહોત્સવની મુલાકાત વખતે અમને અમિત મળી જાય છે. મૅરેથોન મુલાકાતમાં એની કથની સાંભળવા મળે છે. પ્રસ્તુત છે એ મુલાકાતના અંશ..

કેવા હતા એ દિવસો?

જવાબ આપતાં અમિત કહે છેઃ ‘રોજ અમે નક્કી કરીએ કે આજની જરૂરત શું છે? દાખલા તરીકે, થર્ટી ફર્સ્ટ નાઈટ છે તો રાતે ખાવા-પીવા પૈસાની જરૂર પડવાની એટલે લૂંટફાટ ચલાવીએ. અનેક વાર અમને પોલીસ પકડે, પણ પેરિસના ૧૮ વર્ષથી નીચેનાને જેલમાં પૂરી ન શકાય એવા કાયદાને લીધે વૉર્નિંગ આપી અમને છોડી મૂકવામાં આવતા.’