ફિલ્મસંગીતમાં પારસી પ્રજાનાં પ્રદાન..

પિતા કાવસ‘કાકા’ અને મોટા ભાઈ કેસી લૉર્ડની જેમ બરજોરે પહેલા જ રેકૉર્ડિંગથી સિક્કો જમાવી દીધો.

- 

આજથી સો-સવા સો વરસ પહેલાં સારા ઘરના લોકો ફિલ્મલાઈન વિશે સારો અભિપ્રાય ધરાવતા નહોતા. ફિલ્મો તો ઠીક, સંગીતકારો-ગવૈયાઓ વિશે પણ જાતજાતની ગેરસમજ પ્રવર્તતી. એવા સમયે પુણેમાં વસતા એક પારસીપરિવારનો બારેક વર્ષનો દીકરો કાવસ ઘરેથી ભાગીને મુંબઈ આવી ગયો. થોડો સમય મુંબઈની તાજમહાલ હોટેલમાં બારમૅન (શરાબ પીરસનાર) તરીકે કામ કર્યું. દિમાગનો તેજ એટલે હોટેલમાં આવતાં વિદેશી બૅન્ડ અને હોટેલના પોતાના બૅન્ડ પર બારીક નજર રાખતો. બોલવામાં મીઠો એટલે જે-તે બૅન્ડના ડ્રમર કે પિયાનોવાદક સાથે દોસ્તી કરીને કંઈક શીખતો. એમ કરતાં કરતાં એણે થોડાં દેશી-વિદેશી વાજિંત્રો પર કાબૂ