એકત્રીસ સંસ્થા, એક ઉદ્દેશઃ સમુદ્રી સુરક્ષા

બેઠકનો મૂળ એજન્ડા ભારતના ૪૬ લાખ ચોરસ કિલોમીટરમાં ફેલાયેલા સર્ચ ઍન્ડ રેસ્ક્યુ વિસ્તારને સુરક્ષિત બનાવવા માટેની નીતિ તેમ જ માર્ગદર્શિકા બહાર પાડવાનો હતો

- 

શું તમે જાણો છો કે ભારતના વિશાળ સમુદ્રી વિસ્તારની સુરક્ષા કરવા, દરિયાકિનારે ફરવા જતા પ્રવાસીઓ અને દરિયામાં રોજી-રોટી ખાતર જતા માછીમારોની સુરક્ષા તેમ જ દરિયાઈ માર્ગે થતી ગેરકાનૂની ઘૂસણખોરી રોકવા માટે ભારત સરકારની કુલ ત્રીસથી પણ વધુ સરકારી સંસ્થા કાર્યરત છે?

હા, અને એમાં નૌકાદળ, કોસ્ટ ગાર્ડ, મરીન પોલીસ, નૅશનલ ડિઝાસ્ટર રિસ્પોન્સ ફોર્સ (NDRF), ભારતીય વાયુસેના, ઍરપોર્ટ ઑથોરિટી ઑફ ઈન્ડિયા (AAI), ઈન્ડિયન નૅશનલ સેન્ટર ફૉર ઓશન ઈન્ફર્મેશન સર્વિસીસ (INCOIS), વગેરેનો સમાવેશ છે.