ગુજરાતના તમામ યાત્રાધામોની ૩૬૦ ડિગ્રીએ કાયાપલટ થઈ છે. ડબલ એન્જિનવાળી સરકારને યાત્રાળુઓ આપે છે આશીર્વાદ

ગુજરાતી પ્રજા એટલે મૂળભૂત રીતે ભક્તિમય અને પ્રવાસી પ્રજા. રાજ્ય સરકાર પ્રવાસી શ્રદ્ધાળુઓની પ્રાર્થના અને પર્યટન બન્ને સુગમ બને એ માટે સતત પ્રયત્નશીલ છે

- 

ગુજરાતની ભૂમિ પાવન ભૂમિ કહેવાય છે. એક તરફ અહીં મા અંબા અને માતા મહાકાળીનાં પાવન તીર્થ આવેલાં છે તો બીજી તરફ આ હરિહરની પણ પવિત્ર ભૂમિ છે. અહીં સોમનાથ ખાતે પ્રથમ જ્યોતિર્લિંગ સ્વરૂપમાં મહાદેવ છે અને દ્વારકામાં શ્રી હરિ કૃષ્ણ બિરાજમાન છે. ડાકોરમાં ભક્ત બોડાણાના તપથી પ્રસન્ન ઠાકોરજી છે. સાથે જ ગુજરાતમાં પાવન ગિરનાર એ અનેક સાધુ-સંતોનું પવિત્ર આશ્રયસ્થાન છે. ગિરનારની લીલી પરિક્રમાનું શ્રદ્ધાળુઓમાં અદમ્ય માહાત્મ્ય રહેલું છે. ગુજરાતી પ્રજા એટલે મૂળભૂત રીતે ભક્તિમય અને પ્રવાસી પ્રજા. રાજ્ય સરકાર પ્રવાસી શ્રદ્ધાળુઓની પ્રાર્થના અને પર્યટન બન્ને સુગમ બને એ માટે સતત પ્રયત્નશીલ છે. ભારતના લોકલાડિલા વડાપ્રધાન શ્રી નરેન્દ્રભાઈ મોદીએ રાજ્યના મુખ્યમંત્રી તરીકે ગુજરાતનાં પવિત્ર યાત્રાધામોને ભવ્ય બનાવવા પાયો નાખ્યો હતો. આજે મૃદુ અને મક્કમ મુખ્યમંત્રીશ્રી ભૂપેન્દ્રભાઈ પટેલના નેતૃત્વમાં રાજ્યની ડબલ એન્જિનવાળી સરકાર ગુજરાતનાં યાત્રાધામોનો અદ્ભુત વિકાસ કરી રહી છે.

પ્રસિદ્ધ શક્તિપીઠ અંબાજી મંદિરનાં શિખર થયાં સુવર્ણથી સજ્જ

શ્રદ્ધાળુઓની સાંભળી પોકાર, પ્રધાનમંત્રીજીનો સહૃદય આભાર ૨૮૦૦ કરોડના રોકાણ સાથે તારંગા હિલ-અંબાજી-આબુ સ્ટેશન રોડ રેલવે લાઈનને મળી માન્યતા.

બનાસકાંઠાના દાંતામાં આવેલું અંબાજી મંદિર પુરાણપ્રસિદ્ધ શક્તિપીઠ તરીકે ઓળખાય છે, જે ૩૫૮ સુવર્ણ કળશ ધરાવતી દેશની એકમાત્ર શક્તિપીઠ છે. ગબ્બર ખાતે નવનિર્મિત ૫૧ શક્તિપીઠ પરિક્રમા પથના વિકાસથી યાત્રિકોની સંખ્યામાં મોટો વધારો થયો છે. વર્ષ ૨૦૦૮માં તત્કાલિન મુખ્યમંત્રી અને હાલના આપણા વડાપ્રધાનશ્રી નરેન્દ્રભાઈ મોદી દ્વારા ભૂમિપૂજન કરવામાં આવ્યું હતું, જે કામ વર્ષ ૨૦૧૪માં ૬૧.૫૭ કરોડના ખર્ચે પૂર્ણ થયું હતું. આ યાત્રાધામને કેન્દ્રસ્થાને રાખીને રાજ્ય સરકાર ખૂબ ઝડપી નિર્ણયો લઈને અંબાજી યાત્રાધામને ભારત દેશનું આદર્શ યાત્રાધામ બનાવવાની દિશામાં કામ કરી રહી છે.