છે એમને નોકરી આપવાની હિંમત?

૩૪ વર્ષની સાયરાબાનુ પર એની મોટી બહેને જ ઑક્ટોબર, ૨૦૧૦માં તેજાબ ફેંકેલો, જેમાં એ ગંભીરપણે દાઝી ગયેલી

- 

સતીશ શાહ: બીજી કંપનીઓએ આનું અનુકરણ કરવું જોઈએ.

૨૧ વર્ષની ટ્રાન્સજેન્ડર અવનિ ભાલેરાવ અત્યારે એકદમ ખુશ છે. બી.કૉમ.ની ડિગ્રી હોવા છતાં એને કોઈ નોકરીએ રાખતું નહોતું. જો કે હવે એને સારી નોકરી મળી ગઈ છે.

અવનિ વાસ્તવમાં એલજીબીટી (એટલે કે લેસ્બિયન, ગે, બાય-સેક્સ્યુઅલ અને ટ્રાન્સજેન્ડર) સમાજની હોવાથી સ્કૂલ-કૉલેજમાં એને સહપાઠીઓ ચીડવતા અને વિચિત્ર નજરે જોતા, પણ મુંબઈની એક હીરા-ઝવેરાત કંપનીએ અવિનને નોકરી આપી છે. અવિન કહે છે કે મારા જેન્ડર વિશે તમામ સહ-કર્મચારી વાકેફ છે. શરૂઆતમાં અમુક સાથી કર્મચારી મારી સાથે વાત કરતાં ખચકાતા, પણ હવે બધા વાત કરે છે અને ટિફિન પણ શૅર કરે છે.