ചിത്രയുടെ ആദ്യഗാനം ചേച്ചിക്കൊപ്പം

പാട്ടിൽ ഈ പാട്ടിൽ

- ഹരികുമാർ

1981 ഡിസംബറിലാണ് എന്റെ ആദ്യ സിനിമ ആമ്പൽപ്പൂവ് റിലീസ് ചെയ്തത്. അടുത്തവർഷം രണ്ടാമത്തെ സിനിമ സ്നേഹപൂർവം മീരയും. എന്റെ സുഹൃത്ത് എസ്.എം ലാൽ ആയിരുന്നു ചിത്രത്തിന്റെ നിർമാതാവ്. ആമ്പൽപ്പൂവ് ഒരു കാബറെ നർത്തകിയുടെ കഥയായിരുന്നു. അതിൽ നിന്ന് വ്യത്യസ്തമായിരിക്കണം അടുത്ത ചിത്രം എന്ന ചിന്തയിൽ നിന്നാണ് സ്നേഹപൂർവം മീരയിലേക്ക് എത്തിയത്. എന്റെ കഥയ്ക്ക് തിരക്കഥ ഒരുക്കിയത് ശ്രീവരാഹം ബാലകൃഷ്ണൻ സാർ ആയിരുന്നു. നെടുമുടി വേണുവും പൂർണിമ ജയറാമും മുഖ്യവേഷങ്ങളിൽ. കൃഷ്ണൻകുട്ടി എന്ന സാധാരണക്കാരനായ ഒരു സർക്കാർ ഉദ്യോഗസ്ഥന് ഒരു പ്രത്യേക സാഹചര്യത്തിൽ മീര എന്ന ധനാഢ്യയായ ഒരു പെൺകുട്ടിയുമായുണ്ടാകുന്ന അടുപ്പവും പിന്നീട് അവർ വിവാഹിതരാകുന്നതുമെല്ലാമാ സ്നേഹപൂർവം മീരയുടെ കഥ. ഇരുവരും തമ്മിലുള്ള പ്രശ്നങ്ങളും മാനസിക സംഘർഷങ്ങളുമാണ് സിനിമയുടെ ഇതിവൃത്തം. കൊല്ലത്തെ പ്രാക്കുളത്ത് വച്ചായിരുന്നു ചിത്രീകരണം. നെടുമുടി വേണു അവതരിപ്പിക്കുന്ന കൃഷ്ണൻകുട്ടി എന്ന കഥാപാത്രത്തിന്റെ വീട് അവിടെയാണ്. നെടുമുടി വേണുവിന്റെ കഥാപാത്രം ഒരു സരസനും കുഞ്ഞുണ്ണിക്കവിതകളുടെ ആരാധകനും ആണ്. സി നിമയ