റീൽസ് ഷൂട്ടിങ് കേസാകും

സൈബർ ക്രൈം

- ഇ. എസ്. ബിജുമോൻ സൈബർ ഫൊറൻസിക് ആൻഡ് ഇൻവെസ്റ്റിഗേറ്റിങ് എക്സ്പെർട്ട്

പൊതുസ്ഥലങ്ങളിൽ മൊബൈൽ ഫോണിലോ ക്യാമറയിലോ വിഡിയോ ചിത്രീകരിക്കുന്നത് ഇന്ന് സർവസാധാരണമാണ്. യുട്യൂബ്, ഇൻസ്റ്റഗ്രാം പോ ലെയുള്ള ഡിജിറ്റൽ പ്ലാറ്റ്ഫോമുകൾ ഉപയോഗിക്കുന്നവരുടെ എണ്ണം ഇന്ന് വളരെയധികം കൂടുകയും ഇവയെല്ലാം വിഡിയോ കണ്ടന്റുകൾക്ക് പണം നൽകുകയും ചെയ്യുന്ന സാഹചര്യത്തിൽ ഒട്ടേറെ ആളുകളാണ് വീഡിയോ ചിത്രീകരിക്കാനായി പൊതുവിടങ്ങളിലേക്ക് എത്തുന്നത്. എന്നാൽ, ഇത്തരം ചിത്രീകരണങ്ങൾ നടത്തുമ്പോൾ പാലിക്കേണ്ട നിയമങ്ങളെക്കുറിച്ച് പലർക്കും അറിവുണ്ടാകില്ല. ഇന്ത്യൻ നിയമവ്യവസ്ഥയിൽ പ്രത്യേകമായൊരു നിയമമില്ലെങ്കിൽ പോലും സ്വകാര്യത അവകാശം എന്ന രീതിയിൽ ഇതു പരിഗണിക്കാൻ സാധിക്കും.

ഡിപിഡിപി ആക്ട്

ഡിജിറ്റൽ ലോകത്ത് വ്യക്തികളുടെ സ്വകാര്യത ഉറപ്പു വരുത്തുന്നതിനായി കേന്ദ്ര സർക്കാർ കൊണ്ടുവന്ന സുപ്രധാന നിയമമാണ് ഡിജിറ്റൽ പഴ്സനൽ ഡേറ്റ പ്രൊട്ടക്ഷൻ ആക്ട്.. വ്യക്തികളുടെ സ്വകാര്യ വിവരങ്ങൾ ഡിജിറ്റൽ രൂപത്തിൽ ശേഖരിക്കപ്പെടുമ്പോൾ അവ ദുരുപയോഗം ചെയ്യപ്പെടുന്നില്ലെന്ന് ഉറപ്പാക്കുകയാണ് ഈ നിയമത്തിന്റെ പ്രധാന ലക്ഷ്യം. അതിനാൽ, പൊതുവിടങ്ങളിൽ വിഡിയോ ചിത്രീകരിക്കുന്നതിനു മുൻപ് അതിനുള്ള അനുമതി വാങ്ങണം. പിന്നീടുള്ള നിയമക്കുരുക്കിൽ നിന്നു രക്ഷപ്പെടാൻ ഇതു സഹായിക്കും.

പ്രാങ്ക് വിഡിയോകൾ അതിരുവിടുമ്പോൾ