നിലാവിന്റെ പൂങ്കാവിൽ...ലതിക

പാട്ടിൽ ഈ പാട്ടിൽ

- 

പി. ഭാസ്കരൻ മാഷിന്റെ വരികൾക്ക് കെ.രാഘവൻ മാഷ് സംഗീതമൊരുക്കിയ നിലാവിന്റെ പൂങ്കാവിൽ നിശാപുഷ്പഗന്ധം' എന്ന പാട്ടുപാടാൻ കഴിഞ്ഞത് എന്റെ ഭാഗ്യമാണ്. വിൻസെന്റ് മാഷ് സംവിധാനം ചെയ്ത ശ്രീകൃഷ്ണപ്പരുന്ത്' എന്ന സിനിമയിലെ ആ പാട്ട് ഓർക്കുമ്പോൾ ഇപ്പോഴും എനിക്കു പേടി തോന്നും. അതൊരു യക്ഷിപ്പാട്ടാണ്.

തായൻപൻ എന്ന പ്രായം ചെന്നൊരാളാണ് ഈ പാട്ടിന്റെ ഓർക്കസ്ട്രേഷൻ ചെയ്തത്. അദ്ദേഹം തമിഴുനാട്ടുകാരനാണ്. അദ്ദേഹം സംഘടിപ്പിച്ച കുറെ ഗാനമേളകൾക്കുമൊക്കെ ഞാൻ പാടിയിട്ടുണ്ട്. ഈ പാട്ടിന്റെ ഓർക്കസ്ട്രേഷൻ ഞെട്ടിക്കുന്ന തരത്തിലായിരുന്നു. പേടിച്ചുകൊണ്ടാണ് സത്യത്തിൽ ഞാൻ ആ പാട്ടു പാടിയത്. അതിലെ ചിരിയും കരച്ചിലും ഡയലോഗുകളുമൊക്കെ പറയേണ്ടതെങ്ങനെ എന്ന് വിൻസെന്റ് മാഷ് പറഞ്ഞു തന്നിരുന്നു. ആദ്യം കുമാരേട്ടാ' എന്നു വിളിക്കണം. അതു കഴിഞ്ഞ് വീണ്ടും വിളിക്കണം.