നായ്ക്കളിലെ മദി

പെറ്റ്സ് കോർണർ

- ഡോ. ബീന. ഡി

നായ്ക്കളിൽ മദി എന്നത് പെൺനായകൾക്കുണ്ടാകുന്ന സ്വാഭാവിക പ്രജനനഘട്ടമാണ്. സാധാരണയായി 6 മുതൽ 8 മാസത്തിലൊരിക്കലാണ് മദി ഉണ്ടാവുക. ഒക്ടോബർ മാസവും മാർച്ച്, ഏപ്രിൽ മാസത്തിലുമാണ് സാധാരണ നായ്ക്കളിൽ മദി ഉണ്ടാകാറുള്ളത്.

മദികാലം ഏകദേശം രണ്ടു മുതൽ മൂന്നാഴ്ച വരെ നീണ്ടുനിൽക്കും. യോനീഭാഗം വീർക്കുക, രക്തസ്രാവം ഉണ്ടാവുക, പ്രത്യേകിച്ച് ആദ്യ ദിവസങ്ങളിൽ കൂടുതൽ രക്തസ്രാവം ഉണ്ടാവുക, പെ രുമാറ്റത്തിൽ ചില മാറ്റങ്ങൾ വരുത്തുക എന്നിവ മദിയുടെ ലക്ഷണങ്ങളായി കണക്കാക്കാം.