કેવી છે મસાલાના બાદશાહની સફળ કથા?

ફૅમિલી મૅનેજ્ડ બિઝનેસ અર્થાત્ એફએમબી ઉદ્યોગગૃહો જે ઝડપે વિકાસ કરે એ ઝડપે ક્યારેક પડતી પણ જોતાં હોય છે. વડીલોએ શૂન્યમાંથી સર્જેલા વ્યવસાયને નવી ઊંચાઈ સુધી લઈ જવામાં બધા સફળ થતા નથી, પણ જે થાય છે એમનાં સંઘર્ષ, સ્ટ્રેટેજી, કાર્યપ્રણાલી, વગેરે કેસ સ્ટડીના વિષય બને છે. મસાલાકિંગ ગણાતા ‘બાદશાહ' બ્રાન્ડના હેમંત ઝવેરીએ બાવીસ વર્ષની ઉંમરે ધંધો સંભાળીને એને નવી ઊંચાઈએ કઈ રીતે પહોંચાડ્યો એ જાણવા જેવું છે.

- સમીર પાલેજા (મુંબઈ)

જવાહર, નામ તો એવું રાખ કે રોયલ હોય અને લોકજીભે તરત જો ચડી જાય.

- અં તો ‘બાદશાહ’ રાખીએ?

સરસ, ગો અહેડ..

મૂળ ધીરુભાઈ અંબાણીના ચોરવાડ ગામના જવાહરલાલ જમનાદાસ ઝવેરીએ છેક ૧૯૫૮માં ઘાટકોપર, મુંબઈમાં પોતાના ઘરેથી પડીકાબંધ મસાલાનું કામકાજ શરૂ કરેલું. મસાલાને કયા બ્રાન્ડનેમથી વેચવા એની સલાહ એમણે પોતાના વડીલબંધુ પાસે માગી તો તરત નિરાકરણ થયું.