ઈડી: ધનપતિઓ કેમ ફફડે છે આ નામથી..

હમણાં હમણાં દેશભરમાં ઈડી એટલે કે એન્ફોર્સમેન્ટ ડિરેક્ટોરેટે તરખાટ મચાવ્યો છે. મોટા મોટા ધનપતિઓ અને ખાસ તો વિપક્ષી રાજકારણીઓને ઈડી એના સાણસામાં લઈ રહી છે અને એને લીધે કેન્દ્ર સરકાર કિન્નાખોરી દાખવવા આ એજન્સીનો દુરુપયોગ કરી રહી હોવાના આક્ષેપ છે. ઈડીના દરોડા, સંપત્તિ ટાંચમાં લેવાની નીતિરીતિ, એની પાછળનું રાજકારણ અવારનવાર પ્રશ્નો જન્માવે છે. કેવાં કેવાં રહસ્ય ભર્યા છે બે અક્ષરે ઓળખાતી આ એજન્સીનાં નામ-કામમાં?

- સમીર કરંબે (મુંબઈ)

અંગ્રેજીમાં કોઈ ક્રિયાપદની પાછળ ઈડી (ed) લાગે એટલે વાક્યનો કાળ બદલાઈ જાય. આજકાલ રાજકીય વર્તુળોમાં એવી ચર્ચા જામી છે કે કોઈ વ્યક્તિની પાછળ ઈડી (એન્ફોર્સમેન્ટ ડિરેક્ટોરેટ) લાગે એટલે એનો પણ કાળ (સમય) બદલાઈ જાય છે.