દક્ષિણા નહીં, ન્યાય માગે છે આ પંડિતો..

મહેલ જેવાં મોટાં ઘર, ફળદાર બાગબગીચા, કસદાર કારોબાર.. બધું એક ઝટકામાં છોડીને વતન કશ્મીરથી જીવ બચાવવા જમ્મુ, ચંડીગઢ કે દિલ્હી નાસી આવેલા કશ્મીરી પંડિતોની વ્યથા ૩૨ વર્ષે ‘ધ કશ્મીર ફાઈલ્સ’ ફિલ્મથી ફરી ચારેકોર ચર્ચામાં જરૂર આવી છે. જો કે જે સમાજની એનાં મૂળ સાથેની નાળ જ કાપી નાખવામાં આવી છે એમને સમ્માન સાથે વતનભેગા કઈ રીતે કરવા એનો ઉકેલ જડતો નથી. પંડિતોના નરસંહાર-ઘરનિકાલ માટે જવાબદાર આતંકીઓને પકડીને સજા કરવાનું પણ આટલાં વર્ષે બહુ સંભવ નથી ત્યારે જાણીએ ખુદ પંડિતો આ વિશે શું વિચારે છે..

- હીરેન મહેતા (મુંબઈ)

પાટનગર નવી દિલ્હીનું એક ઘર. ગયા વર્ષ દરમિયાનની કોરોનાની બીજી લહેરનો સમય. પરિવારના વડીલ કોરોનાગ્રસ્ત હોવાથી એમને હોમ આઈસોલેશનમાં રાખવામાં આવ્યા છે. રાતના ત્રણેક વાગ્યા છે. એ વડીલ અચાનક એમના રૂમમાંથી બહાર આવી એમના દીકરાના રૂમનો દરવાજો ખટખટાવે છે. દીકરો બહાર આવીને જુએ છે તો પિતા રીતસર ધ્રૂજી રહ્યા છે. ધ્રૂજતા હાથમાં એક થેલો છે અને એ બબડી રહ્&