കൊതിപ്പിച്ച് കൊക്കോ ടൂറിസം

ഒരൊറ്റ വിളയിനം മാത്രം പ്രയോജനപ്പെടുത്തി ഒന്നാന്തരം ഫാം ടൂറിസം

- ജോബി ജോസഫ് തോട്ടുങ്കൽ

ചോക്കുമലയിലിരിക്കുന്നവൻ ചോക്കുകഷണം അന്വേഷിച്ചു പോയ കഥ പറയുന്നുണ്ട് ലോഹിതദാസ് ഒരു സിനിമയിൽ. കൺവെട്ടത്തുള്ള സാധ്യതകൾ കാണാതെ പോകുന്നതിനെക്കുറിച്ചാണ് അദ്ദേഹത്തിന്റെ വാക്കുകൾ. ബിസിനസ് അഡ്മിനിസ്ട്രേഷനിൽ ബിരുദം നേടി ഇരുപതാം വയസ്സു മുതൽ പല പല ബിസിനസ് സംരംഭങ്ങൾ നടത്തിയ തന്റെ സ്ഥിതിയും ഏതാണ്ട് അങ്ങനെയായിരുന്നുവെന്ന് രഞ്ജൻ പറയുന്നു. ചിലത് പൊളിഞ്ഞും ചിലത് തട്ടിമുട്ടിയും നീങ്ങുന്ന കാലത്തൊന്നും വീടിരിക്കുന്ന നാലരയേക്കർ കൊക്കോത്തോട്ടത്തിന്റെ മിന്നും സാധ്യത കണ്ണിൽ പെട്ടില്ല.

ഇടക്കാലത്ത് ചോക്ലേറ്റ് വിപണിയുടെ വളർച്ച ശ്രദ്ധിച്ചതാണ് വഴിത്തിരിവായത്. തുടർന്ന് സ്വന്തം തോട്ടത്തിലെ കൊക്കോ വിളവെടുത്തു ചോക്ലേറ്റ് നിർമാണം തുടങ്ങിയതോടെ അതിലെ കലയും കരവിരുതും ഹരമായി മാറിയെന്നു രഞ്ജൻ. എറണാകുളം ജില്ലയിൽ കാലടി നടുവട്ടം മണവാളൻ വീട്ടിൽ രഞ്ജൻ ജോസ് ഇന്ന് ഒരുപക്ഷേ സംസ്ഥാനത്തെ തന്നെ ഒരേയൊരു കൊക്കോ ഫാം ടൂറിസം സംരംഭകനാണ്. ഒരൊറ്റ വിളയിനം മാത്രമുള്ളവർക്കും ഒന്നാന്തരം ഫാം ടൂറിസമാകാമെന്നു തെളിയിക്കുന്ന സംരം ഭകൻ. കൊക്കോഷി മുതൽ വൈവിധ്യമാർന്ന ചോ ക്ലേറ്റുകളും രാജ്യത്തുതന്നെ അപൂർവം സംരംഭകർ മാത്രം വിപണിയിലെത്തിക്കുന്ന കൊക്കോളൂസ് ഉൾപ്പെടെ ഇതരമൂല്യവർധിത ഉൽപന്നങ്ങളും ഫാം ടൂറും ഫാക്ടറി വിസിറ്റുമെല്ലാം ചേരുന്ന ഹൃദ്യമായ കൃഷിയനുഭവമാണ് രഞ്ജൻ സന്ദർശകർക്കു സമ്മാനിക്കുന്നത്.

പണ്ടേയുണ്ട് കൊക്കോക്കൃഷി