കച്ചോലം

കൃഷിമൂല്യവും ഔഷധഗുണവുമുള്ള വിളയാണ് കച്ചോലം

- ഡോ. ഗോപാലകൃഷ്ണൻ വലിയവീട്ടിൽ

കച്ചോലം, കച്ചേരി, കർചുര, ഗന്ധമൂല, ചന്ദശി, ശറി, കചി, മണൽ ഇഞ്ചി എന്നൊക്കെ അറിയപ്പെടുന്ന Kaempferia galanga എന്ന ചെടിയുടെ സുഗന്ധിയായ കിഴങ്ങാണ് കച്ചോലം. ഉത്തരേന്ത്യയിൽ Hedychium spicatum എന്ന ചെടിയാണ് കച്ചൂരി എന്ന് അറിയപ്പെടുന്നത്. രണ്ടിനും ഒരേ ഗുണങ്ങൾ ഉള്ളതിനാൽ ആയുർവേദ ഔഷധനിർമാണത്തിന് രണ്ടും ഉപയോഗപ്പെടുത്തുന്നു. രൂക്ഷഗന്ധമുള്ള കിഴങ്ങാണ് കച്ചോലം അഥവാ കച്ചുരിക്കിഴങ്ങ്. കർപ്പൂരത്തിന്റെ രുചിയുമുണ്ട്.

ശ്വാസകോശത്തിന്റെ സങ്കോച, വികാസ ക്ഷമത വർധിപ്പിക്കാനും കഫം അലിയിച്ചു കളയാനും കച്ചോലത്തിനു കഴിയും. ദഹനസംബന്ധമായ രോഗങ്ങൾക്കുള്ള മരുന്നുകളിലാണ് കച്ചോലം പ്രധാനമായും ഉപയോഗി ക്കുന്നത്. ബാഷ്പശീലമുള്ള തൈലമടങ്ങിയ കച്ചോലം സൗന്ദര്യവർധക സുഗന്ധലേപനങ്ങളുടെ നിർമാണത്തിലും വിപുലമായി ഉപയോഗിക്കുന്നു. ആയുർവേദത്തിലെന്ന പോലെ ചൈനീസ്, ടിബറ്റൻ, യൂനാനി വൈദ്യശാഖകളിലും കച്ചോലത്തിനു പ്രാധാന്യമുണ്ട്.

രോഗങ്ങൾക്ക് ആശ്വാസം