దెయ్యం కథ

రాత్రి చిమ్మ చీకటిగా ఉంది. ఇంటి బయట ఉన్న చెట్టు కూలిపోవడంతో విద్యుత్ సరఫరా ఆగిపోయింది.

- కథ • రోహిణి చింతియా

రాత్రి చిమ్మ చీకటిగా ఉంది. ఇంటి బయట ఉన్న చెట్టు కూలిపోవడంతో విద్యుత్ సరఫరా ఆగిపోయింది. కిటికీ అద్దంపై వర్షపు జల్లు పడుతున్న శబ్దం తప్ప అంతా నిశ్శబ్దంగా ఉంది.

తాతయ్య ఫోన్ మాట్లాడటం పూర్తి చేసి కొవ్వొత్తి కాంతిలో ఏదో చదువసాగారు.

సన్నీ, మినీ, బన్నీ ముగ్గురు సోఫాపై దగ్గరగా కూర్చుని నిద్ర పోలేక అల్లాడుతున్నారు.

కొవ్వొత్తి వెలుగుతో గోడపై వింత వింత నీడలు కనిపిస్తున్నాయి. దాంతో వారి సంభాషణ దెయ్యాల, భూతాలవైపు వెళ్లింది.

"దెయ్యాలు, భూతాలంటూ ఏమీ ఉండవు" మినీ, బన్నీలు గట్టిగా సన్నీతో అంటూ “నీ మనసే నిన్ను భయపెడుతుంది బన్నీ!” చెప్పారు.

అప్పుడు తాతయ్య జోక్యం చేసుకుని “నా ట్రింకెట్ బాక్స్ తీసుకుని రా... మినీ" అని చెప్పాడు.

మినీ బాక్స్ తీసుకురాగానే తాతయ్య కథ చెప్పడం ప్రారంభించారు. పెట్టెను తెరిచాడు.

“నేను ఒక వింత సంఘటనను చెబుతాను. కానీ నేను దానిని దెయ్యం కథ అని చెప్పను. కానీ ఇది చాలా సంవత్సరాల క్రితం, నేను రైల్వేలో ఉద్యోగం చేస్తున్నప్పుడు జరిగింది. విని మీరే చెప్పండి అది ఏమిటో” సన్నీ, మినీ, బన్నీ దుప్పట్లు కప్పుకుని వింటున్నారు. తాతయ్య కథ చెప్పడం ప్రారంభించాడు.

“ఒకసారి కృష్ణన్, గోపాల్, నన్ను కొండ ప్రాంతంలో రైల్వే ట్రాక్లు నిర్మించటానికి పంపించారు. గోపాల్ ఎప్పుడూ ఓ విచిత్రమైన, స్వరంతో ఈల (విజిల్) వేసేవాడు. ఆ విజిల్ మైలు దూరం నుంచీ కూడా వినిపించేది. మమ్మల్ని కలవడానికి వచ్చేటప్పుడు తన రాకను మాకు చెప్పేందుకు మూడుసార్లు పెద్దగా ఈలలు వేసి సంకేతం ఇచ్చేవాడు. అయితే అతని వెంట అంకిత

భావంతో పనిచేసే ఓ సంరక్షకుడు కూడా ఉండేవాడు.” "లే అవుట్స్ ప్లాన్ చేయడం నా బాధ్యతగా ఉండేది. కృష్ణన్, గోపాల్ కార్మికులకు సూచనలు ఇస్తూ ఉండేవారు. వర్షాకాలం రాకముందే పని పూర్తి చేయాలని తొందర పెట్టాం. కానీ వర్షం ఊహించిన దానికంటే ముందే పడింది. నేల తడిగా మారింది.