ദേവി ദർശനം വർഷത്തിലൊരിക്കൽ മാത്രം

ധനുമാസത്തിലെ തിരുവാതിരനാൾ മുതൽ 12 ദിവസം മാത്രം വർഷത്തിൽ ശ്രീ പാർവതി ദേവിയുടെ നടതുറക്കുന്ന അപൂർവ ക്ഷേത്രമായ തിരുവൈരാണിക്കുളം മഹാദേവക്ഷേത്രം ഈ വർഷത്തെ ഭക്തിസാന്ദ്ര ദിനങ്ങൾക്കായി ഒരുങ്ങിക്കഴിഞ്ഞു.

- 

ധനുമാസത്തിലെ തിരുവാതിരനാൾ മുതൽ 12 ദിവസം മാത്രം വർഷത്തിൽ ശ്രീ പാർവതി ദേവിയുടെ നടതുറക്കുന്ന അപൂർവ ക്ഷേത്രമായ തിരുവൈരാണിക്കുളം മഹാദേവക്ഷേത്രം ഈ വർഷത്തെ ഭക്തിസാന്ദ്ര ദിനങ്ങൾക്കായി ഒരുങ്ങിക്കഴിഞ്ഞു.

പെരിയാറിന്റെ തീരത്ത് വെള്ളാരപ്പിള്ളി തെക്കുംഭാഗം കരയിൽ സ്ഥിതി ചെയ്യുന്ന ക്ഷേത്രത്തിൽ ഒരേ ശ്രീകോവിലിൽ കിഴക്കോട്ടു ദർശനമായി മഹാദേവനെയും പുറകിൽ പടിഞ്ഞാറു ദർശനമായി ശ്രീപാർവ്വതിദേവിയെയും പ്രതിഷ്ഠിച്ചിരിക്കുന്നു. ഇക്കൊല്ലത്തെ നടതുറപ്പ് ഉത്സവം ജനുവരി രണ്ടു വെള്ളിയാഴ്ച രാത്രി എട്ടു മണി മുതൽ ജനുവരി 13 ചൊവ്വാഴ്ച രാത്രി എട്ടു മണി വരെയാണ്.

മംഗല്യദായിനിയായ ദേവീ ദർശനത്തിനായി എത്തുന്ന ലക്ഷക്കണക്കിനു ഭക്തരെ സ്വാഗതം ചെയ്യാനും സുരക്ഷിത ദർശനത്തിനും വഴിപാടുകളും നടത്താനും വേണ്ട എല്ലാ സജ്ജീകരണങ്ങളും പൂർത്തിയായി.

തിരുവൈരാണിക്കുളത്തിന്റെ ഐതിഹ്യം

ഇരിങ്ങാലക്കുടയ്ക്കു സമീപം ഐരാണിക്കുളത്താണ് അകവൂർ മന. ഇവിടം ഭരിച്ചിരുന്നവർ ഭിന്നിച്ച് ഐരാണിക്കുളത്തുനിന്നും വെള്ളാരപ്പിള്ളി ഗ്രാമത്തിലേക്ക് മാറിയത്. എങ്കിലും ഐരാണിക്കുളത്തപ്പനേയും ശ്രീപാർവതിയേയും മനയിലുള്ളവർ നിത്യദർശനം നടത്തിയിരുന്നു.

ഈ കാലത്താണു പറയിപെറ്റ പന്തിരുകുലത്തിലെ ചാത്തൻ അകവൂർ മനയ്ക്കലെ ആശ്രിതനാകുന്നത്. ചാത്തൻ കരിങ്കല്ലു കൊണ്ടുണ്ടാക്കിയ തോണിയിലാണു മനയിലുള്ള പുഴ കടന്നു ക്ഷേത്രദർശനം നടത്തിയിരുന്നത്. ഒരു ദിവസം മനയ്ക്കലെ വൃദ്ധബ്രാഹ്മണൻ ദർശനം കഴിഞ്ഞിറങ്ങവേ മഹാദേവനോടു പ്രാർഥിച്ചു. പ്രായാധിക്യത്താൽ എന്നും ഇവിടെ വന്നു ദർശനം നടത്താൻ കഴിയുമെന്നു തോന്നുന്നില്ല. അവിടുത്തെ ദർശിക്കാതെ ജലപാനം കഴിക്കുക ചിന്തിക്കാനും കഴിയുന്നില്ല.” ഇങ്ങനെ അപേക്ഷിച്ച ഓലക്കുടയുമെടുത്തു മടങ്ങാനൊരുങ്ങി. കുടയ്ക്കു പതിവലധികം ഭാരം തോന്നുന്നുണ്ടെന്നു ചാത്തനോടു പറഞ്ഞു. കാര്യമാക്കേണ്ടെന്നു ചാത്തൻ സമാധാനിപ്പിച്ചു.

മനയ്ക്കലെ കടവിലെത്താൻ അരനാഴികദൂരം ബാക്കിയുള്ളപ്പോൾ തിരുമേനിക്കു വിശ്രമിക്കണമെന്നു തോന്നി. ചാത്തൻ കരിങ്കല്ലുവഞ്ചി കരയ്ക്കടുപ്പിച്ചു. അവിടെ നിന്നു തിരികെ കയറിയപ്പോൾ കുടയുടെ ഭാരം പൂർവസ്ഥിതിയിലായി. അപ്പോഴും ചാത്തൻ പറഞ്ഞു. “സാരമില്ല.'