തെങ്ങിൻതോപ്പിൽ ഇനി ഇളനീർ വീഞ്ഞ്

സ്വന്തമായി ഇളനീർവീഞ്ഞ് ഉൽപാദിപ്പിക്കാൻ കർഷകനു സർക്കാർ ലൈസൻസ്

- 

ഇളനീരിൽനിന്നു വീഞ്ഞ് - കാസർകോട് ഭീമനടിയിലെ സെബാസ്റ്റ്യൻ പി.അഗസ്റ്റിൻ എന്ന കൃഷിക്കാരന്റെ സ്വപ്നം തടസ്സങ്ങൾ അതിജീവിച്ചു സാക്ഷാൽക്കാരത്തിലേക്ക്. 2007ൽ ഇളനീർ വൈൻ നിർമാണത്തിനു പേറ്റന്റ് നേടിയപ്പോൾ മുതലുള്ള 17 വർഷത്തെ നിരന്തര പരിശ്രമത്തിനൊടുവിൽ ഈ കൃഷിക്കാരനു വാണിജ്യാടിസ്ഥാനത്തിലുള്ള സംരംഭത്തിനു സർക്കാർ ലൈസൻസ് ലഭിച്ചു. ഇള നീരും പഴങ്ങളും ചേർത്ത് വീഞ്ഞുണ്ടാക്കുന്ന ചെറുകിട ഫ്രൂട്ട് വൈനറി സ്വന്തം തോട്ടത്തിൽ സ്ഥാപിക്കാനുള്ള ലൈസൻസും ഉൽപാദിപ്പിച്ച വൈൻ കുപ്പികളിലാക്കുന്നതിനുള്ള ലൈസൻസുമാണ് ഒറ്റയാൾ യത്നത്തിലൂടെ ഇദ്ദേഹം നേടിയെടുത്തത്. കേരളത്തിലാദ്യമായാണ് ഒരു കർഷകനു വൈൻ നിർമാണത്തിനു ലൈസൻസ് നൽകുന്നത്. നേരത്തേ കേരള കാർഷിക സർവകലാശാലയ്ക്ക് വൈൻ ലൈസൻസ് നൽകിയിട്ടുണ്ട്. തുടക്കത്തിൽ ഇളനീർ വൈനും ഫ്രൂട്ട് വൈനുമാണ് നിർമിക്കുക. വിപണനത്തിന് അനുമതിയില്ലാത്തതിനാൽ ഉൽപാദിപ്പിച്ചു ബവ്റിജസ് കോർപറേഷനു കൈമാറുകയാണ് ചെയ്യുക. ഇളനീർ വൈൻ ലീറ്ററിന് 500 രൂപയ്ക്കും ഫ്രൂട്ട് വൈൻ 400 രൂപയ്ക്കും നൽകാനാകുമെന