பரம ரகசியம்

அந்த பிரபல இனிப்புக் கடையில் சீக்கூ முயல், மீக்கூ எலி, ஜம்பி குரங்கு மற்றும் ஜம்போ யானை அனைவரும் அமர்ந்து, தங்களுக்குப் பிடித்த இனிப்புகளை சாப்பிட்டு ஜாலியாக பேசிக் கொண்டிருந்தனர்.

- விவேக் சக்ரவர்த்தி

அப்போது, "கொஞ்ச நாளாகவே பிளாக்கி கரடியை காணவில்லை," என்று ஜம்பி குரங்கு கூறியது. அதைக் கேட்டதும் "பிளாக்கி மட்டுமல்ல, டாரியை கூட காணவில்லை," என்று சீக்கூ நினைவு கூர்ந்தது.

உடனே மீக்கூ எலி “அவர்கள் சோர்வுற்றிருக்கிறார்களோ என்று சந்தேகமா இருக்குது. நாம் அனைவரும் சென்று இருவரையும் கண்டுபிடிக்க வேண்டும்,” என்று கூறியது. அதை அனைவருமே ஆமோதித்தனர்.

பிறகு கடையில் இருந்து எல்லோரும் பிளாக்கியின் வீட்டை நோக்கி நடக்க தொடங்கினர். அவர்கள் பிளாக்கியின் வீட்டிற்கு வந்தபோது, ஜம்போ கதவைத் தட்டி சத்தம் போட்டது.

ஆனால் வீட்டின் உள்ளே இருந்து பதில் எதுவும் வரவில்லை.

"என்ன பிரச்சனை என்று எனக்கு தெரியவில்லை. பிளாக்கி வீட்டிற்குள் இருந்தும் எதுவும் பதில் தரவில்லை,” என ஜம்போ யானை தெரிவிக்க, அங்கு ஒரே குழப்பம் ஏற்பட்டது.

"சரி பிளாக்கி வீட்டிற்குள் இருப்பதை அறிய கதவிற்கு ஒரு இன்டர்லாக் உள்ளது, அது வெளியிலிருந்து பூட்டப்பட்டதா அல்லது உள்ளிருந்து பூட்டப்பட்டதா என்பதை பார்க்கலாம் " என்று சீக்கூ கூறியது.