குழந்தைகள் தினம்

அந்த பள்ளியின் அனைத்து மாணவர்களும் இன்று மிகவும் மகிழ்ச்சியாக இருந்தனர்.

- கதை • விவேக் சக்ரவர்த்தி

அதற்கு காரணம் இன்று குழந்தைகள் தினம் கொண்டாட்டம் தான். இதை முன்னிட்டு பள்ளியில் ஆடை அலங்காரப் போட்டிக்கு ஏற்பாடு செய்யப்பட்டிருந்தது. ஒவ்வொரு மாணவரும் பிரபல தலைவர்களின் வேடம் அணிந்து வருமாறு அறிவிக்கப்பட்டதால் மாணவர்கள் வித விதமாக ஆடை அணிந்து வந்தனர். இதில் டேனி புரட்சிவீரர் பகத் சிங் மாதிரி உடை அணிந்து வந்தான். அவன் நண்பன் மனு சந்திரசேகர் ஆசாத் மாதிரியும் ராகுல் மகாத்மா காந்தி போன்றும் ஆரியன் நேதாஜி சுபாஷ் சந்திர போஸ் போலவும் உடை அணிந்திருந்தான். அதே மாதிரி சுர்ஜித் நேரு மாமா போல அழகாக உடை அணிந்து வந்தான். இப்படி பள்ளி கோலாகலமாக காட்சியளித்தது.

இப்போது ஒவ்வொருவரும் அந்தந்த தலைவர்கள் மாதிரி பேசி அதற்கு ஏற்ற வசனங்களை உச்சரித்து பார்த்தனர். ஒருவருக்கொருவர் கலாய்த்து கொண்டனர்.

அப்போது அங்கு வந்த டேனி, “என்ன விஷயம் சுர்ஜித் நீ கொஞ்சம் பதட்டமாக இருக்கே?” என்று கேட்டான்.

“ஒண்ணுமில்லே இந்த வசனத்தை பேசி பார்க்கிறேன்.. அது சரியா வரலை” என்றான் சுர்ஜித்.

“சரி விடு.. நானே என் வசனங்களை சரியா சொல்றேனான்னு தெரியலை” என சொல்லிக் கொண்டிருந்தான்.

அந்த சமயத்தில் அங்கு வந்த மனு, என குரலை உயர்த்தி பேசிப் பார்த்தான். அதைக் கண்ட டேனி சிரித்தான். “மனு, நீ யார் வேஷம்டா போட்டிருக்கே, யாருடைய உரைகளை உச்சரிக்கிறாய்?” டேனி கிண்டலாகக் கேட்டதும் மனு முகம் சிவந்தான்.

"நானே சொந்தமா வசனம் பேசி பயிற்சி செய்து கொண்டே இருக்கிறேன்," என்று மனு பதில் கூறினான்.

அப்போது “செய் அல்லது செத்து மடி” வாசகம் யாருது தெரியுமா? என ராகுல் கேட்டான்.

“ராகுல், அது நிச்சயமா என் வசனம் தான்?” மனு பதட்டமாக பதில் அளித்தான்.