டின்னி கொக்கின் நீண்ட பயணம்!

சைபீரியாவின் வட பகுதியில் அதிகக் குளிர் நிலவத் தொடங்கியது.

- டாக்டர் ரஞ்சனா ஜெய்ஸ்வால்

அங்குள்ள பைக்கால் ஏரியின் விளிம்புகளில் பனிப் பரப்பு உருவாகத் தொடங்கியது.

மீன்கள், நீர் வாழ் உயிர்கள் துள்ளி விளையாடிய இடத்தில், இப்போது ஒரு தடிமனான உறைந்த வெள்ளை பனிப்பரப்பு நீடித்துள்ளது. அப்பகுதியில் இருந்த மரங்கள் மீது பனி படர்ந்ததால் வெள்ளை நிறமாக மாற ஆரம்பித்தது, குளிர்ந்த காற்றின் அசைவில் மரங்கள் அசைவற்று நிற்கின்றன.

இந்த நிலையில் சூரியன் கூட தாமதமாக உதயமானது. அது சோம்பலாகத் தோன்றியது. ஒளிக்கதிர்கள் பிரகாசமானவையாக இருந்தாலும் வெப்பமில்லை. பனி நிறைந்த இந்த நாட்டில் டினாலியா என்ற சிறு சைபீரியக் கொக்கு வசித்து வந்தது.

அங்குள்ளவர்கள் அனைவரும் அதை நேசித்து, டின்னி என்று அழைத்தனர். அது மிகவும் அழகாக இருந்தது. மெலிதான பிங்க் நிறம் கொண்ட பிரகாசமான வெள்ளை இறகுகள் மற்றும் ஒளிரும் நீல கண்கள் மின்னின. அது தனது பெற்றோர், பாட்டி, பெரிய தம்பி யூரியுடன் வசித்தது. இந்த நிலையில் டினாலியாவின் பாட்டி மீன் பிடிக்கும் முறையை கற்றுத் தந்தார். இதற்காக ஏரியின் அருகில் அமைதியாக அமர்ந்து, ஒரு மீன் அருகில் வந்தவுடன், அதனை விரைந்து பிடிக்கக் கற்றுக்கொண்டது. ஆனால் பல நாட்களாக, ஏரி முழுமையாக உறைந்துவிட்டது, ஒரு மீனும் அங்கே வரவில்லை.

இதனால் சோகமான டின்னி, தம்பி யூரியிடம் வேதனைக் குரலில் “தம்பி யூரி, ஏரி உறைந்துவிட்டது. இப்போது நாம் எப்படி மீன் பிடிப்பது?” எனக் கேட்டது.

அதைக் கேட்ட யூரி, “விரைவில் குளிர் அதிகரிக்கும், மலைகளும், நதிகளும், மரங்களும் பனியால் மூடும். ஒவ்வொரு ஆண்டும் பனி எல்லாவற்றையும் மூடியவுடன், இங்கே உணவு கிடைப்பது சாத்தியமில்லை. ஆனாலும் தெற்கில், வானிலை சூடாக இருக்கும். எனவே அங்கு சென்று நாம் உணவு தேடி மகிழ்ச்சியாக இருக்கலாம்.” என்றது. “ஆனால் அது மிகவும் தொலைவில் உள்ளதே. நாம் உண்மையில் இவ்வளவு தூரம் பறப்போமா?” டின்னி ஆர்வமாக கேட்டது.