ഗ്ലോബൽ സ്റ്റാർ

ഉഗ്രൻ ഡിസൈനും ഉയർന്ന നിർമാണ നിലവാരവുമായി ലോക നിലവാരത്തിലൊരു ക്രൂസർ-സൂപ്പർ മീറ്റിയോർ 650

- 

ഹാർലി ഡേവിഡ്സൺ, ഇന്ത്യൻ, ട്രയംഫ് ക്രൂസർ ബൈക്കുകളിൽ ഇവരായിരുന്നു ഇന്ത്യൻ നിരത്തുകളിലെ ഹീറോ എന്നാൽ, ഇനി ആ നിരയിൽ നമ്മുടെ സ്വന്തം റോയൽ എൻഫീൽഡിന്റെ പേരും ചേർത്തു പറയണം. ആ ഉയരത്തിലേക്ക് സൂപ്പർ മീറ്റിയോർ 650 എന്ന മോഡൽ റോയൽ എൻഫീൽഡിനെ എത്തിച്ചിരിക്കുകയാണ്. റോയൽ എൻഫീൽഡ് മോഡൽ തന്നെയോ എന്നു അതിശയിപ്പിക്കുന്ന ഡിസൈനും ഫീനിഷിങ്ങും ഉഗ്രൻ നിർമാണ നിലവാരവുമൊക്കെയായി തകർപ്പനായിട്ടാണ് സൂപ്പർ മീറ്റിയോറിന്റെ വരവ്. വിശദമായ ടെസ്റ്റ് റൈഡിലേക്ക്..

കൊച്ചിയിലെ ബ്രാൻഡ് ഷോറൂമിൽനിന്ന് 650 എടുത്ത് വൈറ്റില എത്തുന്നതിനു മുൻപു തന്നെ ഫ്രീക്കൻമാർ കൂടെക്കൂടി. എല്ലാവർക്കും ഒറ്റച്ചോദ്യം മാത്രം, ബ്രോ, വണ്ടിയെങ്ങനുണ്ട്? സോഷ്യൽ മീഡിയയിൽ ടെസ്റ്റ് റൈഡ് ഫോട്ടോകളിലൂടെ കനത്ത പ്രതീക്ഷ നൽകിയ മോഡലായതുകൊണ്ടാകണം വൻ വരവേൽപാണ് സൂപ്പർ മീറ്റിയോറിനു നിരത്തിൽ കിട്ടിയത്.

കിടു ഡിസൈൻ

സൂപ്പർ മീറ്റിയോർ കണ്ട് ഇഷ്ടപ്പെടാത്തവരായി ആരുമുണ്ടാകില്ല. അത്ര മാരക ലുക്കാണ്. ഹാർലി ഡേവി ഡ്സൺ ബൈക്കുകളുടെ ഗമ ഉഗ്രൻ ഫിനിഷിങ്. ഘടകങ്ങളുടെ നിലവാരം എടുത്തു തന്നെ പറയണം. മസ്കുലർ ലുക്കിനൊപ്പം ക്ലാസിക് ശൈലിയും സമം ചേർന്നപ്പോൾ സൂപ്പർ മീറ്റിയോർ എന്ന അഴകൊത്ത ക്രൂസർ പിറന്നു എന്നു പറയാം.

എൽഇഡി ലൈറ്റുകൾ യുഎസ്ഡി ഫോർക്ക്, ഡിജി റ്റൽ മീറ്റർ. ടിപ്പർ നാവിഗേഷൻ അലോയ് വീൽ എന്നിവ മോഡേൺ ഫീച്ചറുകളിൽ പെടുന്നു. വീതിയേറിയ ഹാൻഡിലും കണ്ണുനീർത്തുള്ളിയുടെ ആകൃതിയിലുള്ള വലിയ ടാങ്കും പിന്നിലേക്കു ചാഞ്ഞിറങ്ങുന്ന കരുത്തൻ ലുക്കുളള റിയർ ഫെൻഡറും ഇരട്ടക്കുഴൽ സൈലൻസറും ക്രോം ഫിനിഷിങ്ങുകളും എല്ലാം ക്ലാസിക് തനിമ പകരുന്നു. എൻഫീൽഡ് മോഡലുകളിലെ ഐഡന്റിറ്റികളിലൊന്നായ ഗോൾഡൻ ലൈൻ ടാങ്കിലും ഫെൻഡറിലും നൽകിയിട്ടുണ്ട്. ട്രിപ്പർ നാവിഗേഷൻ സ്റ്റാൻഡേർഡാണ്.

ഉഗ്രൻ ക്വാളിറ്റി