தித்திக்கும் தீபாவளியில் திகட்டாத இனிப்பு வகைகள்!

தீபாவளி என்றாலே எல்லோருடைய நினைவுக்கு வருவது புத்தாடை பட்டாசு, லேகியம், இனிப்பு, காரம் இவை தான். கடைகளில் என்னதான் விதவிதமான வண்ணங்களில் இனிப்புகளும் காரங்களும் கிடைத்தாலும் நாம் வீட்டில் அவற்றை செய்யும் போது அதில் ஆரோக்கியமும் தனி சுவையும் இருப்பதை உணரலாம். இப்போது தீபாவளிக்கு வீட்டிலேயே தயாரிக்க கூடிய சுவையான ஆரோக்கியமான தித்திப்பு மற்றும் கார வகைகளை பார்ப்போம்.

- உஷா முத்துராமன், மதுரை.

தேவையான பொருட்கள் : பிரட் - 10, பால் பவுடர் - ஒருகப், நெய் - அரைகப், சோடாஉப்பு - சிறிதளவு, சர்க்கரை -மூன்றுகப், ஏலக்காய்பொடி - சிறிதளவு, ஆரஞ்சுநிற வர்ணம் - சிறிதளவு, எண்ணெய் - பொரித்து எடுக்க தேவையான அளவு.

செய்முறை: பிரட்டின் சைடில் உள்ள தோலை எடுத்து விட்டு அதை கையினால் நன்றாக அதனுடன் பால் பவுடர், நெய், சோடாஉப்பு இவற்றையும் சேர்த்து நன்றாக பிசைந்து கொள்ளவும். ஒரு பாத்திரத்தில் சர்க்கரையை போட்டு அதில் இரண்டு டம்ளர் தண்ணீர் ஊற்றி நன்றாக கிளறவும். அது கெட்டியான பாகு போல் வந்ததும் அதில் ஆரஞ்சு நிற வண்ணத்தையும் ஏலக்காய் பொடியையும் போட்டு கீழே இறக்கி வைத்துக் கொள்ளவும்.

கெட்டியாக பிசைந்து வைத்துள்ள பிரட் கலவையை சிறுசிறு உருண்டைகளாக குலோப் ஜாமுன் போல் உருட்டி எண்ணெய் நன்றாக காய வைத்து அதில் உருட்டி வைத்துள்ள இந்த உருண்டைகளை போட்டு பொன்னிறமாக பொரித்து எடுத்து தயாரித்து வைத்துள்ள சர்க்கரை ஜீராவில் போட்டு ஊற வைத்தால் சுவையான லடுக்கினி இனிப்பு தயார்.

குதிரைவாலி தட்டை

தேவையான பொருட்கள்: குதிரைவாலி அரிசி மாவு - 2 கப், கடலை மாவு - அரை கப், பச்சரிசி மாவு - அரை கப், ஊற வைத்த கடலைப்பருப்பு - அரை கப். பெருங்காயம், உப்பு - தேவையான அளவு துருவிய தேங்காய் - அரை கப், வெள்ளை எள்ளு - அரை கப், எண்ணெய் - பொரித்து எடுக்க தேவையான அளவு.

செய்முறை: குதிரைவாலி அரிசி மாவு, கடலை மாவு, பச்சை அரிசி மாவு மூன்றையும் நன்றாக சலித்து ஒன்றாக போட்டு அதில் உப்பு பெருங்காயம் ஊறவைத்த கடலைப்பருப்பு, வெள்ளை எள்ளு, துருவிய தேங்காய் இவற்றையும் போட்டு நன்றாக பிசைந்து கொள்ளவும். ஒரு பிளாஸ்டிக் பேப்பரில் பிசைந்து வைத்துள்ள மாவினை சிறிது சிறிதாக உருட்டி வட்டமாக தட்டி நடுவில் இரண்டு மூன்று துளைகள் போட்டு எண்ணெயை நன்றாக காய வைத்து பொரித்து எடுத்தால் சுவையான குதிரைவாலி தட்டை தயார்.

கேரட் பீட்ரூட் அல்வா

தேவையான பொருட்கள்: கேரட் - இரண்டு, பீட்ரூட் - 1, சர்க்கரை - 2 கப், முந்திரி, திராட்சை, ஏல பொடி - தேவையான அளவு, நெய் - இரண்டு கப்.