ஏஎம்சிஏ போர் விமானங்கள்: ரூ.15,000 கோடியில் தயாரிக்க ஒப்புதல்

நாட்டின் விமானப் படைக்கு ஐந்தாம் தலைமுறை தொழில்நுட்பத்தில் மேம்பட்ட நடுத்தர போர் விமானங்களை (ஏஎம்சிஏ) இந்திய தொழில்துறை கூட்டாண்மையுடன் (சிஐஎல்) இணைந்து தயாரிக்கும் தற்சார்பு திட்டத்திற்கு பாதுகாப்புத் துறை அமைச்சர் ராஜ்நாத் சிங் செவ்வாய்க்கிழமை ஒப்புதல் அளித்துள்ளதாகப் பாதுகாப்பு அமைச்சக வட்டாரங்கள் தெரிவித்தன.

- நமது சிறப்பு நிருபர்

நமது சிறப்பு நிருபர் புது தில்லி, மே 27: இந்தத் திட்டத்திற்கு ரூ.15,000 கோடி என ஆரம்ப மதிப்பீடாகக் குறிப்பிடப்பட்டுள்ளது.

இதுகுறித்த விவரம் வருமாறு: நாட்டின் உள்நாட்டு பாதுகாப்புத் திறன்களை மேம்படுத்துவதற்கும், வலுவான உள்நாட்டு விண்வெளி தொழில்துறைச் சூழல் அமைப்பின் வளர்ச்சிக்கும் உந்துதல் அளிக்கும் வகையில், மேம்பட்ட நடுத்தர போர் விமான (ஏஎம்சிஏ) தயாரிப்பு திட்டத்தை செயல்படுத்துவதற்கான மாதிரிக்குப் பாதுகாப்பு அமைச்சர் ராஜ்நாத் சிங் ஒப்புதல் அளித்துள்ளார். வான்வழிப் பயண மேம்பாட்டு முகமை (ஏடிஏ), தொழில்துறை நிறுவனங்களுடனான கூட்டாண்மை மூலம் இந்தத் திட்டத்தை செயல்படுத்த உள்ளது.