மும்பையில் கொட்டித் தீர்த்தது மழை: போக்குவரத்து பாதிப்பு; பொதுமக்கள் அவதி

தென்மேற்குப் பருவமழை தொடங்கியுள்ள நிலையில் மும்பையில் திங்கள்கிழமை காலை கனமழை பெய்தது. இதனால், சாலைகளில் மழை நீர் வெள்ளமாகப் பெருக்கெடுத்து ஓடியது. தாழ்வான பகுதிகளில் நீர் சூழ்ந்தது. இதனால் பொதுமக்களின் இயல்பு வாழ்க்கை கடுமையாகப் பாதிக்கப்பட்டது.

- 

மும்பை, மே 26: தென்மேற்குப் பருவமழை தொடங்கியுள்ள நிலையில் மும்பையில் திங்கள்கிழமை காலை கனமழை பெய்தது. இதனால், சாலைகளில் மழை நீர் வெள்ளமாகப் பெருக்கெடுத்து ஓடியது. தாழ்வான பகுதிகளில் நீர் சூழ்ந்தது. இதனால் பொதுமக்களின் இயல்பு வாழ்க்கை கடுமையாகப் பாதிக்கப்பட்டது.

தண்டவாளங்களை மழை நீர் மூழ்கடித்ததால் வடாலா சாலை - சத்ரபதி சிவாஜி ரயில் நிலையம் இடையிலான புறநகர் ரயில் போக்குவரத்து ரத்து செய்யப்பட்டது. இதனால், ரயில் பயணிகள் பெரும் அவதிக்கு உள்ளாகினர். சாலைகளிலும் மழைநீர் தேங்கியதால் கடுமையான போக்குவரத்து நெரிசல் ஏற்பட்டது. இதனால், காலை நேரத்தில் பணிக்குச் செல்லும் பொதுமக்கள் கடும் அவதிக்கு உள்ளாயினர்.