உலக வில்வித்தை: வரலாறு படைத்தார் ஜோதி சுரேகா

நஞ்சிங், அக். 18: சீனாவில் நடைபெறும் வில்வித்தை உலகக் கோப்பை ஃபைனல் போட்டியில், இந்தியாவின் ஜோதி சுரேகா சனிக்கிழமை வெண்கலப் பதக்கம் வென்றார். இந்தப் போட்டியில் காம்பவுண்ட் பிரிவில் பதக்கம் வென்ற முதல் இந்திய வீராங்கனை என்ற சாதனையை அவர் படைத்தார்.

- 

காம்பவுண்ட் மகளிர் தனிநபர் பிரிவில் களம் கண்ட ஜோதி, முதலில் காலிறுதிச்சுற்றில் 143-140 என்ற புள்ளிகள் கணக்கில் அமெரிக்காவின் அலெக்ஸிஸ் ருயிஸை வீழ்த்தினார். எனினும், அரையிறுதியில் 143-145 என்ற கணக்கில், உலகின் நம்பர் 1 வீராங்கனையான மெக்ஸிகோவின் ஆண்ட்ரியா பெசெராவிடம் தோல்வி கண்டார்.