ஏற்காடு கோடை விழா கோலாகலத் தொடக்கம்

ஏற்காட்டில் 48-ஆவது கோடை விழா, மலர் கண்காட்சி வெள்ளிக்கிழமை மாலை கோலாகலமாக தொடங்கியது.

- 

சேலம், மே 23: ஏற்காட்டில் 48-ஆவது கோடை விழா, மலர் கண்காட்சி வெள்ளிக்கிழமை மாலை கோலாகலமாக தொடங்கியது.

விழாவை வேளாண், உழவர்நலத் துறை அமைச்சர் எம்.ஆர்.கே. பன்னீர் செல்வம், வனம், கதர் துறை அமைச்சர் ஆர்.எஸ். ராஜகண்ணப்பன், சுற்றுலாத் துறை அமைச்சர் ஆர். ராஜேந்திரன் ஆகியோர் தொடங்கிவைத்தனர். விழாவில் சேலம் மாவட்டத்திற்கான பறவையாக இந்திய பாம்புத்தாரா தேர்வு செய்யப்பட்டது.

கோடை விழாவையொட்டி, பல்வேறு துறைகளின் சார்பில் அமைக்கப்பட்டுள்ள கண்காட்சி அரங்குகளை திறந்துவைத்த அமைச்சர்கள், 60 பயனாளிகளுக்கு ரூ. 13.25 லட்சம் மதிப்பிலான நலத் திட்ட உதவிகளையும் வழங்கினர்.