ஜாதிவாரி கணக்கெடுப்பு நடத்த போதிய நிதி ஒதுக்க வேண்டும்

மல்லிகார்ஜுன கார்கே

- 

பெங்களூரு, மே 1: ஜாதிவாரி கணக்கெடுப்பு நடத்த போதிய நிதி ஒதுக்க வேண்டும் என அகில இந்திய காங்கிரஸ் கட்சித் தலைவர் மல்லிகார்ஜுன கார்கே தெரிவித்தார்.

இதுகுறித்து பெங்களூரில் வியாழக்கிழமை செய்தியாளர்களிடம் அவர் கூறியதாவது: ஜாதிவாரி கணக்கெடுப்பு நடத்துமாறு காங்கிரஸ் மற்றும் இதர எதிர்க்கட்சிகள் வலியுறுத்தி வந்தன. இந்தக் கோரிக்கையை நிறைவேற்றக் கோரி நாடுதழுவிய போராட்டங்களை நடத்தினோம். அந்தக் கோரிக்கையை மத்திய அரசு அமல்படுத்த முடிவு செய்துள்ளது மகிழ்ச்சி அளிக்கிறது.

மக்கள்தொகை கணக்கெடுப்புடன் ஜாதிவாரி கணக்கெடுப்பையும் நடத்துமாறு 2 ஆண்டுகளுக்கு முன்பே மத்திய அரசுக்கு கடிதம் எழுதியுள்ளேன். அப்போது இதை ஏற்றுக்கொள்ள மறுத்த மத்திய அரசு, தற்போது ஜாதிவாரி கணக்கெடுப்பை நடத்த முடிவு செய்துள்ளது. இதற்கு காங்கிரஸ் முழுமையாக ஆதரவளிக்கும்.